İran XİN sözçüsü: "Məktəbə zərbə nəticəsində 160-a yaxın şagirdin həlak olma ehtimalı var" - YENİLƏNİB

İran Xarici İşlər Nazirliyinin rəsmi nümayəndəsi Esmail Baqayi ölkənin cənubundakı Minab şəhərində məktəbə endirilən zərbə nəticəsində 150-160 nəfərə yaxın məktəbli qızın həlak olma ehtimalını dilə gətirib.

Oxu.Az xəbər verir ki, məlumatı ISNA agentliyi yayıb.

E.Baqayi hadisəni "böyük cinayət" adlandırıb və zərbənin İsrail və ABŞ tərəfindən həyata keçirildiyini iddia edib.

18:12

İranın cənubunda yerləşən məktəbə endirilən raket zərbəsi nəticəsində azı 60 uşaq həlak olub, təxminən 80 nəfər yaralanıb.

Oxu.Az xəbər verir ki, bu barədə İranın Səhiyyə Nazirliyi məlumat yayıb.

Rəsmi məlumatlara görə, raket Minab şəhərində yerləşən qızlar üçün ibtidai məktəbə düşüb. Zərbə zamanı binada şagirdlər olublar.

16:49

İsrailin Minab şəhərindəki qızlar məktəbinə raket hücumu nəticəsində 51 şagird həlak olub, 60-dan çoxu yaralanıb.

Oxu.Az xəbər verir ki, bu barədə ISNA agentliyi məlumat yayıb.

Qeyd olunub ki, məktəb binası dağılıb və dağıntılar altında onlarla qız qalıb.

16:00

İrandakı qızlar məktəbinə raket zərbəsi nəticəsində 40 nəfər həlak olub, 48 nəfər yaralanıb.

Oxu.Az IRNA agentliyinə istinadən xəbər verir ki, bu barədə İranın Hörmüzqan əyalətinin Minab şəhərinin qubernatoru məlumat yayıb.

Telegramda izləyin