Hava limanında nəzarətə alınan Edis sərbəst buraxılıb

Xaricdən qayıdarkən İstanbul Havalimanında saxlanılan tanınmış müğənni Edis qan və saç nümunələri götürüldükdən sonra məhkəmənin nəzarət qərarı ilə sərbəst buraxılıb.

Sonxeber.az türk mediasına istinadən xəbər verir ki, İstanbul Cumhuriyet Başsavcılığı tərəfindən aparılan narkotik istintaqı çərçivəsində haqqında saxlanma qərarı olduğu bildirilən sənətçi xaricdən dönüş zamanı hava limanında polis əməkdaşları tərəfindən saxlanılaraq polis idarəsinə aparılıb.

Polisdən ifadəsi alındıqdan sonra Edis müayinə üçün Adli Tıp Kurumuna göndərilib. Burada ondan narkotik testi məqsədilə qan və saç nümunələri götürülüb.

Daha sonra ifadə vermək üçün ədliyyə orqanına aparılan müğənni, ifadəsindən sonra məhkəmənin nəzarəti şərti ilə azadlığa buraxılıb. İstintaqın davam etdiyi bildirilib.

Edis daha əvvəl məsələ ilə bağlı açıqlamasında bütün rəsmi prosedurlara hazır olduğunu vurğulayaraq, ittiham edilən mövzularla heç bir əlaqəsinin olmadığını qeyd etmişdi.

Telegramda izləyin