ABŞ-nin və NATO-nun hərbi obyektlərini izləyən azərbaycanlı saxlanılıb

Krit adasında yerləşən NATO bazasını və ABŞ-nin "Gerald R.Ford" aviadaşıyıcısını izləyən Gürcüstan vətəndaşı saxlanılıb.

Sonxeber.az xəbər verir ki, bu barədə yunan KİV-i məlumat yayıb.

Yunanıstanın hüquq mühafizə orqanları tərəfindən saxlanılan Gürcüstan vətəndaşının Azərbaycan əsilli olması bildirilir.

Yayılan rəsmi məlumatda bildirilir ki, Yunanıstanın Milli Kəşfiyyat Xidmətinin xüsusi qrupu 36 yaşlı kişini bir aya yaxın təqib edib və Afinanın Elefteriosa Venizelos adına Beynəlxalq Hava Limanında ölkəni tərk etmək istəyərkən ələ keçirib.

Hazırda adı açıqlanmayan azərbaycanlı Milli Kəşfiyyat Xidmətinin qərargahına aparılıb.

Həmçinin məlumatda saxlanılan şəxs bir müddətdir Kritdəki gizli hərbi obyektlərin, o cümlədən "USS Gerald R. Ford" aviadaşıyıcının şəkillərini çəkərək döyüş gəmilərinin hərəkətlərini izlədiyi qeyd olunur.

Telegramda izləyin