Xəyalə Quliyevanın "Maşın Şou"da qazandığı avtomobil ƏLİNDƏN ALINIB? - VİDEO +Yenilənib

Tanınmış aktrisa Xəyalə Quliyevanın "Maşın Şou"da qazandığı avtomobili əlindən alınmayıb.

Oxu.Az xəbər verir ki, o bu barədə öz sosial şəbəkə hesabında etdiyi paylaşımda məlumat verib.

"Səhər durandan hamı maşınla bağlı mənə xəbər atır. Başa düşə bilmirəm, bu saxta məlumatlar haradan alınır. Niyə məndən bir şey soruşulmur. Maşınımdayam, maşınımda da olacam. Bu nə məlumatlardır?!" - deyə Xəyalə Quliyeva vurğulayıb.

12:48

Tanınmış aktrisa Xəyalə Quliyevaya qarşı keçmiş həyat yoldaşı məhkəmə iddiası qaldırıb.

Sonxeber.az "Teleqraf"a istinadən xəbər verir ki, Yusif Musayev məhkəməyə Xəyalə Quliyeva ilə birgə nikah dövründə əldə edilən əmlakların bölgüsü üçün müraciət edib.

Maraqlıdır ki, iddia ərizəsində Xəyalə Quliyevanın 2019-cu ildə "Maşın Şou" televiziya layihəsində udduğu "Nissan Kicks" avtomobilinin də adı keçir. Yusif Musayev bu avtomobilin üzərində bərabər payın müəyyən edilməsini istəyib.

Birinci instansiya məhkəməsi "Maşın Şou"dan qazanılan avtomobillə bağlı iddiaçının tələbini təmin edib. Xəyalə Quliyeva isə qərardan apellyasiya şikayəti verib.

Apellyasiya şikayəti onunla əsaslandırılıb ki, "Nissan Kicks" markalı avtomobil layihənin qalibi olduğu üçün ona hədiyyə kimi verilib. Bakı Apellyasiya Məhkəməsi isə şikayəti təmin etməyib və birinci instansiya məhkəməsinin qətnaməsi dəyişdirilmədən saxlanılıb.

Məhkəmə belə qənaətə gəlib ki, həmin əmlak cavabdehə birgə nikah dövründə onun çəkdiyi zəhmət, əmək və digər səylərin əvəzi kimi təqdim edilib və bu əmlak bağışlama kimi qəbul oluna bilməz.

Tərəflərin əmlak mübahisəsi Ali Məhkəməyə qədər davam edib. Lakin Xəyalə Quliyevanın kassasiya şikayəti təmin edilməyib.

Qeyd edək ki, tərəflər arasında bağlanmış nikah 2024-cü ilin dekabrında məhkəmə qaydası ilə pozulub.

Telegramda izləyin