Tualetə getməyin qadağan olunduğu idarədə daha bir xanım əməkdaş İŞDƏN ÇIXARILDI
Azərbaycan Dövlət Su Ehtiyatları Agentliyinin (ADSEA) ayaqyoluya getmək qadağan edilən Ağcabədi Su Meliorasiya Sistemlərinin İstismarı İdarəsinin daha bir qadın əməkdaşı işdən azad olunub.
Bu barədə Oxu.Az-a işdən çıxarılan Samirə Əziz qızı Nuriyeva məlumat verib.
O bildirib ki, idarə rəisindən etdiyi şikayətə görə, 25 il tutduğu vəzifəsindən azad olunub:
"Dünən saat 15:00-da yaradılmış yeni "WhatsApp" qrupunda əməkdaşlara Ağcabədi Su Meliorasiya Sistemlərinin İstismarı İdarəsinin hüquqşünası Elçin Piriyevin qəbuluna getmək barədə məlumat verilib. Biz ora getdik, lakin saat 16:30-a qədər gözləsək də, heç kim bizi qəbul etmədi. Sonra Elçin Piriyev dedi ki, cümə axşamı işdə olmamağımızla bağlı izahat yazmalıyıq və həmin günün əməkhaqqısı tutulacaq. Qadınlardan yalnız biri izahat yazdı.
Daha sonra kadrlar üzrə məsul şəxs Bəhruz Rüstəmovdan öz hesabıma məzuniyyət götürmək üçün ərizə blankı istədim ki, doldurub verim. Bəhruz Rüstəmov mənə dedi ki, sənin əmək müqavilənə artıq xitam verilib. Hansı maddə ilə işdən çıxarıldığımı soruşanda bildirdi ki, Əmək Məcəlləsinin 70-ci maddəsinin "Ç" bəndi ilə. Əmrə və əmək kitabçasına baxanda isə gördüm ki, bu qərar həmkarlar ittifaqının protokoluna əsasən verilib".
O iddia edir ki, işdən çıxarılması üçün göstərilən səbəblər həqiqəti əks etdirmir:
"Mən fevralın 9-dan kanalların başında olmuşam. İndi isə guya əmək intizamını pozduğum, səs-küy saldığım barədə yalan məlumatlar yazırlar. Halbuki mən, sadəcə, öz haqqımı tələb etmişəm".
Qeyd edək ki, son günlər Ağcabədi Su Meliorasiya Sistemlərinin İstismarı İdarəsində qadın əməkdaşların kanallara nəzarətlə bağlı iş şəraiti və onların işdən çıxarılması ilə bağlı iddialar geniş müzakirə olunur. Məsələ ilə bağlı rəsmi qurumlar tərəfindən araşdırma aparılır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Güclü küləklə bağlı xəbərdarlıq
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Azərbaycan-Böyük Britaniya: regional sabitlik və qlobal əməkdaşlıq perspektivləri
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Azərbaycan-Böyük Britaniya münasibətlərində yeni mərhələ başlayır
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi