"Feniksal Group" MMC-dən ŞİKAYƏT: "Bina üç ildir təhvil verilmir" (VİDEO)

"Feniksal Group" MMC-dən ŞİKAYƏT: "Bina üç ildir təhvil verilmir" (VİDEO)Vətəndaş "Feniksal Group" MMC-dən şikayətçidir.

Oxu.Az-a müraciət edən Səbinə Mətləb qızı Cəlalova iddia edib ki, Yasamal rayonu, A.Salamzadə küçəsi, 593-cü məhəllədə yerləşən binadan mənzil alıb, üç ildir bina təhvil verilmədiyi üçün mənzilində təmir işlərinə başlaya bilmir.

O bildirib ki, sözügedən mənzil üçün hazırda 134 min 500 manat ödəniş edib:

"Mən mənzili alanda bir kvadratmetri 1 200 manata satılırdı. Mənzili aldığım şirkət - "Feniksal Group" MMC ilə müqavilə imzalamışıq. Mənzilimin dəyəri 150 min manatdır. Biz evi 2023-cü ildə almışıq. Alan vaxt bizə deyildi ki, binada 2-3 aylıq iş qalıb. Ən geci ilin sonuna qədər hazır olub təhvil veriləcək. Lakin üç ildir ki, bina istismara yararlı hala salınmayıb. Mən qalıq 15 500 manat ödənişdən imtina etməmişəm. Şirkət özü bildirmişdi ki, bina istismara hazır olmadığından ödənişi işlər yekunlaşdıqdan sonra edərsiniz. Lakin bina üç ildir təhvil verilmədiyi halda, indi məndən qalıq məbləği deyil, birbaşa mənzilin boşaldılmasını tələb edirlər.

Açıq mənbələrdə yayılan məlumatlara görə, bina sahibi Emin Namazovun atasının məhkəmə hökmü olub. Onun 2025-ci ilin oktyabrında azadlığa buraxıldığı bildirilir. Emin Namazov məndən iki ay vaxt istəmişdi ki, ödənişi geri qaytaracaq, lakin o, iki ay müddətində məhkəməyə müraciət edib. Bununla bağlı sübutlarım da var.

Məni məhkəməyə verəndə qalıq borcu tələb etməlidilər, lakin onlar məndən evi tələb edirlər. Belə çıxır ki, mən etdiyim 90 faiz ödəniş batmalıdır, 10 faiz ödəmədiyim məbləğə görə evim əlimdən çıxmalıdır.

Mən tanışlardan öyrənmişəm ki, sən demə, bu bina 13 ildir ki, istismara yararsız haldadır.

Binada görüləcək işləri üç ildir yubatdıqları üçün tələb etdim ki, artıq işlər yekunlaşsın. Mənzilimdə işə başlamaq istəyirdim. Mən mənzildə işə başlamaq üçün öz ustalarımla ora getdim. Müqaviləyə görə qapını onlar verməli idilər. Biz tələb etdikdən sonra köhnə bir qapı gətirib verdilər. Orada bir usta yox idi ki, qapını vursun. Məcbur qalıb öz ustalarımı gətirdim. Mənzildə təmir işlərini görməyə başlayanda, MMC-nin Eldar adlı rəhbəri gəlib dedi ki, istismara yararsız binadır, siz burada iş görə bilməzsiniz. Bundan sonra biz işləri dayandırdıq.

Nə binanı təhvil vermirlər, nə də ki, ödənişim geri qaytarılmır.

Aidiyyəti qurumların məsələni araşdırmasını və hüquqlarımızın qorunmasını xahiş edirəm".

Məsələ ilə bağlı "Feniksal Group" MMC-nin direktoru Eldar İman oğlu Tahirov Oxu.Az-a açıqlamasında qeyd edib ki, xanım ödənişinin qalığını etmədiyinə görə məhkəməyə verilib:

"Xanım ödənişini tamamlamayıb. Ödənişini tamamlayıb müqavilədə qeyd olunan maliyyə arayışını almayıb. Mənzilin qapısı vurulub, açarlar da xanımın özündədir. Bir müddət əvvəl mənzildə elektrik işlərini görməyə də başlamışdı. Bina yolun kənarında yerləşir. Xanımın ustaları altıncı mərtəbədən kəndirlə yükü qaldırdıqları üçün bir neçə qurum mənə zəng etdi ki, bu formada yük daşınmaz. Mən bildirmişdim ki, binanın yanında yükqaldırıcı kran var, fəhlələrin öz əziyyət haqqını ödəyin, onunla qaldırın. Bunu da etmədilər. Mən də işləri dayandırsın dedim, nə zaman binada iş yekunlaşar, o zaman gəlib mənzilini təmir edər.

Xanım qalıq borcunu ödəmir, nə də mənzilin satılmasına şərait yaratmır. Biz indi vermişik məhkəməyə. İşə məhkəmədə baxılsın. Aydınlaşdırılsın ki, onun nə qədər ödənişi qalıb. Mənzil satılsın, onun ödədiyi ödəniş də özünə qaytarılsın. Şirkət də öz pulunu götürsün. Burada nə aldatma, nə də başqa bir iş yoxdur.

O, 2023-cü ildə mənzilin bir kvadratmetrinə 1 200 manat ödəniş edib, indi bir kvadratmetrin dəyəri 2 500 manatdır. Şirkət ilə vətəndaş arasında bağlanan müqavilədə qeyd olunmayıb ki, bina nə zamana təhvil veriləcək. Bu işlər yubana da bilər. Hazırda binada da iş gedir. 6-7-ci mərtəbəyə kimi mərmərlər düzülüb. Blokda liftlərin qarşısından savayı hər tərəf mərmərlənib. İşlər yekunlaşmaq üzrədir.

Xanımın binanın Emin Namazovun adına olduğunu iddia etməsi əsassızdır. Burada adı keçən Emin Namazovun atası Tapdıq bəyin həbsinin bina ilə heç bir əlaqəsi yoxdur.

O, qalıq borcunu ödəməmək üçün hər yola əl atır. Öz məsələsinə cavabdehlik daşısın, Tapdıq bəyi məsələyə qarışdırmasın".
"Feniksal Group" MMC-dən ŞİKAYƏT: "Bina üç ildir təhvil verilmir" (VİDEO)"Feniksal Group" MMC-dən ŞİKAYƏT: "Bina üç ildir təhvil verilmir" (VİDEO)"Feniksal Group" MMC-dən ŞİKAYƏT: "Bina üç ildir təhvil verilmir" (VİDEO)


Sonxeber.az
Telegramda izləyin
Sosial   Baxılıb: 508   Tarix: 05 mart 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

SOCAR: Naxçıvan Muxtar Respublikasına yanacaq tədarükü Türkiyə və Gürcüstan ərazilərindən həyata keçirilir

Naxçıvan Muxtar Respublikasına yanacaq tədarükü Türkiyə və Gürcüstan ərazilərindən həyata keçirilir. Bu barədə Naxçıvan Muxtar Respublikasının yanacaqla etibarlı təchizatı ilə bağlı AZƏRTAC-ın sorğusuna cavab olaraq SOCAR-dan bildirilib. Qeyd olunub ki, muxtar respublikanın tələbatı tam həcmdə ödənili

18 noyabr
.

Hər şeydə qüsur axtaran insanlar: Daim neqativ düşünməyin səbəbi nədir? - PSİXOLOQDAN AÇIQLAMA

Cəmiyyətdə elə insanlar var ki, baş verən hadisələrə, edilən yaxşılıqlara və hətta xeyirxah təşəbbüslərə belə daim neqativ yanaşırlar. Kiminsə lotereyada iştirak etməsini fırıldaq hesab edir, xəstə uşaqların müalicəsi üçün başladılan yardım kampaniyalarının arxasında mütləq başqa məqsəd axtarır, küç

18 noyabr
.

AQTA işlənmiş fritür yağı aşkarladı - İstehlakçılar nələrə diqqət etməlidir? - QİDA EKSPERTİNDƏN AÇIQLAMA

Qida məhsullarının hazırlanmasında istifadə olunan yağların keyfiyyəti insan sağlamlığı baxımından mühüm əhəmiyyət daşıyır. Eyni yağın dəfələrlə yüksək temperaturda qızdırılaraq istifadə edilməsi onun kimyəvi tərkibinin dəyişməsinə, zərərli birləşmələrin yaranmasına səbəb ola bilər. Belə məhsulları

18 noyabr
.

"Şamaxinka"dakı qəzada ölən kuryerin dəfninə dostları belə gəldi - Video

Dünən paytaxtın Yasamal rayonu ərazisində - "Şamaxinka" adlanan yerdən keçən tunelin girişində baş vermiş qəzada ölən motosikletçi dəfn edilib. "Qafqazinfo" xəbər verir ki, faciəvi şəkildə həyatını itirən Asif Ağaverdiyevin dəfnində çoxsaylı motosikletçi iştirak edib. Onlar katafalk

18 noyabr
.

Bakcell gənclər üçün növbəti süni intellekt hakatonunu keçirib

Bakcell gənclərin texnoloji bacarıqlarının inkişafına yönəlmiş hakatonlar silsiləsini davam etdirir. Bu dəfə Peerstack Academy tələbələri süni intellekt üzrə keçirilən hakatonda bir araya gəliblər. Hakaton çərçivəsində iştirakçılar telekommunikasiya sahəsi üçün süni intellekt dəstəkli məhsullar hazırlayıblar

18 noyabr
.

Azərbaycanda terminallarla ödəniş qaydası dəyişdi

Ödənişlərin təhlükəsizliyinin artırılması və qanunvericiliyin tələblərinə uyğun olaraq terminallar vasitəsilə nağd vəsaitlərin qəbulu üzrə yeni qayda tətbiq olunur. xəbər verir ki, qaydaya əsasən, 500 AZN-dən artıq məbləğdə ödəniş və ya pul köçürməsi həyata keçirmək istəyən istifadəçilər şəxsiyyətlərin

16 noyabr
.

Bakıda oğurluq iddiası: Malı çantalarına qoyub mağazadan çıxmaq istədilər - Video

Bakıda bir neçə nəfərin mağazalara daxil olaraq oğurluq etdiyi iddia olunur. xəbər verir ki, bununla bağlı videogörüntülər yayılıb. Məlumata görə, hadisə metronun "Əcəmi" stansiyası yaxınlığında yerləşən mağazalardan birində baş verib. İddia olunur ki, mağazaya müştəri qismində daxil olan qadınla

18 noyabr