Gizlincə evlənən Zendaya və Tom Holland toydan sonra ilk dəfə görüntülənib

Hollivudun ən çox müzakirə olunan cütlüklərindən olan Zendaya və Tom Holland barədə yayılan evlilik iddiaları maqazin gündəmini hərəkətə gətirib.

Sonxeber.az xarici mediya istinadən xəbər verir ki, uzun müddətdir birlikdə olan cütlük gizli mərasimlə ailə qurub. Xarici mətbuatda yer alan xəbərlərdə onların gözlərdən uzaq, məhdud sayda qonağın iştirak etdiyi xüsusi mərasimlə nikah masasına əyləşdiyi irəli sürülür.

Evlilik xəbərlərinin yayıldığı günlərdə Zendaya və Tom Holland birlikdə gəzinti edərkən görüntüləniblər. Cütlüyün rahat və səmimi davranışları diqqətdən yayınmayıb. Bu görüntülər sosial şəbəkələrdə sürətlə yayılıb və evlilik iddialarını daha da gücləndirib.

İkilinin görüntülərinin ortaya çıxmasından sonra sosial mediada müzakirələr yenidən alovlanıb. Bununla belə, nə Zendaya, nə də Tom Holland tərəfindən məsələ ilə bağlı hələlik rəsmi açıqlama verilməyib.

Telegramda izləyin