15 dəfə cərimə olunan sürücüdən inanılmaz sözlər: "Həbsə girərəm, amma…" - VİDEO

Türkiyənin Adana şəhərində polisin "dayan" əmrinə tabe olmayaraq qaçan və bu səbəbdən avtomobili 6 ay müddətinə istifadədən kənarlaşdırılan modifikasiya edilmiş avtomobil həvəskarı gəncin açıqlamaları diqqət çəkib.

Sonxeber.az türk mediasına istinadən xəbər verir ki, məlumata görə, gənc sürücü polisdən qaçdıqdan sonra avtomobili gizlətdiyini etiraf edib. O bildirib ki, indiyədək qayda pozuntularına görə 15 dəfə cərimə olunmasına baxmayaraq, avtomobilindən imtina etməyi düşünmür.

Gənc sürücü avtomobilinə olan bağlılığını belə ifadə edib:

"Cərimələr artsa da, bu maşından imtina etmərəm. Həbsxanaya düşərəm, amma avtomobilimi vermərəm. Bu mənim üçün bir bağlılıqdır".

Hadisə sosial şəbəkələrdə geniş müzakirələrə səbəb olub. Bir çox istifadəçi sürücünün sözlərini məsuliyyətsiz davranış kimi qiymətləndirərək yol hərəkəti qaydalarına əməl etməyin vacibliyini vurğulayıb.

Telegramda izləyin