Müştəriyə təslim edəcəyi şirniyyatı qapının önündə açıb yaladı- VİDEO

İstanbulda baş verən qalmaqallı hadisə həm gigiyena, həm də istehlakçı təhlükəsizliyi baxımından ciddi narahatlıq doğurub.

Sonxeber.az türk mediasına istinadən xəbər verir ki, şəhərdə fəaliyyət göstərən bir kuryer sifariş edilən şirniyyatı çatdırmazdan əvvəl binanın girişində açaraq yalayıb. Hadisə anbaan müştərinin diafon kamerası tərəfindən qeydə alınıb.

Məlumata görə, hadisə İstanbulda yerləşən yaşayış binalarından birində baş verib. Sifarişini gözləyən müştəri qapıya gələn kuryeri diafon vasitəsilə izləyərkən gözlənilməz mənzərə ilə qarşılaşıb. Görüntülərdə kuryerin əlindəki paketi açaraq içindəki şirniyyata müdaxilə etdiyi və onu yaladığı aydın şəkildə əks olunub.

Hadisəni qeydə alan müştəri sifarişi qəbul etdikdən sonra kuryerə etiraz edib. Lakin kuryer ərazidən sürətlə uzaqlaşıb.

Sosial şəbəkələrdə yayılan görüntülər qısa müddətdə geniş rezonans doğurub. İstifadəçilər hadisəni sərt tənqid edərək qida təhlükəsizliyi və nəzarət mexanizmlərinin yetərsizliyinə diqqət çəkiblər. Bir çoxları bu cür halların yolverilməz olduğunu vurğulayıb.

Telegramda izləyin