30 illik sevgilisindən ayrılan Paşinyandan yeni paylaşım - VİDEO

Ermənistanın Baş naziri Nikol Paşinyan şəxsi həyatı ilə bağlı son paylaşımları ilə yenidən gündəmə gəlib.

Sonxeber.az xarici mediaya istinadən xəbər verir ki, uzun illər birlikdə olduğu sevgilisi ilə ayrıldıqdan sonra sosial şəbəkələrdə daha aktiv görünən Paşinyan bu dəfə avtomobildə çəkdiyi video ilə diqqət çəkib. Qısa müddətdə geniş yayılmış görüntülərdə onun sükan arxasında musiqi dinləyərək şəhər turu etdiyi əks olunub.

Kadrlarda Baş nazirin olduqca rahat və sərbəst davranış sərgilədiyi, hətta bəzi anlarda musiqiyə qoşularaq zümzümə etdiyi görünür. Onun bu qeyri-rəsmi və gündəlik görüntüləri sosial mediada maraqla qarşılanıb.

Təxminən 30 illik münasibətinin başa çatmasından sonra etdiyi bu tip paylaşımlarla diqqət çəkən Paşinyanın videosu istifadəçilər arasında fərqli reaksiyalar doğurub. Bəzi izləyicilər paylaşımı sadə gündəlik an kimi qiymətləndirsə də, digərləri bunu "mesaj xarakterli" addım kimi dəyərləndirib.

Son dövrlərdə daha şəxsi və gündəlik məzmunlar paylaşması ilə seçilən Paşinyanın bu davranışı ictimaiyyət arasında müzakirələrə səbəb olmağa davam edir.

Telegramda izləyin