56 yaşında hamiləlik açıqlaması gündəmə bomba kimi düşdü

Dünyaca tanınmış milyarder Jeff Bezosun həyat yoldaşı Lauren Sanchez verdiyi açıqlama ilə gündəmin əsas mövzularından birinə çevrilib.

Sonxeber.az xarici mediaya istinadən xəbər verir ki, 56 yaşlı Sanchez Bezos The New York Times nəşrinə müsahibəsində "Sabah doğum edərdim" sözlərini səsləndirərək hər kəsi təəccübləndirib. Qısa müddətdə geniş rezonans doğuran bu açıqlamadan sonra onun meneceri məsələyə aydınlıq gətirərək məşhur simanın hamilə olmadığını xüsusi olaraq vurğulayıb.

Digər tərəfdən, Sanchez Bezos xoşbəxtliyi ilə bağlı fikirləri ilə də diqqət çəkib. O bildirib ki, özünü orta statistik insandan təxminən 20 faiz daha xoşbəxt hiss edir. Məşhur isim bu xoşbəxtliyin həyat yoldaşı Jeff Bezosun sərvəti ilə əlaqəli olmadığını da xüsusilə qeyd edib.

Əvvəlki münasibətlərindən üç övladı olan Lauren Sanchez Bezosun 25 yaşlı Nikko Gonzalez, 19 yaşlı Evan Whitesell və 18 yaşlı Ella Whitesell adlı uşaqları var.

Xatırladaq ki, məşhur cütlük ötən yay Venice şəhərində üç gün davam edən möhtəşəm toy mərasimi ilə evlənib. Jeff Bezos isə hazırda dünyanın ən varlı şəxsləri sırasında üçüncü yerdə qərarlaşıb.

Telegramda izləyin