İtaliyada parkda pişik bişirməyə çalışan şəxs saxlanılıb

İtalyanın Sarzana şəhərində bir miqrantın parkda pişik meyitini bişirməyə cəhd etməsi böyük rezonans doğurub.

Sonxeber.az xarici mediaya istinadən xəbər verir ki, hadisə 15 aprel tarixində Parco Giochi della Crociata adlı uşaq parkında qeydə alınıb.

Məlumata görə, yerli sakinlər oyun meydançasının yaxınlığında tonqal qalayıb pişik bişirməyə çalışan şəxsi görərək hüquq-mühafizə orqanlarına məlumat veriblər. 32 yaşlı Nigeriya vətəndaşı olduğu bildirilən şəxs Carabinieri əməkdaşları tərəfindən saxlanılıb. Onun çox ac olduğunu və yemək tapmadığı üçün bu addımı atdığını dediyi iddia olunur.

Hadisə sosial şəbəkələrdə və siyasi dairələrdə ciddi narazılıq yaradıb. Matteo Salvini bu hərəkəti "iyrənc" adlandıraraq cəzasız qalmamalı olduğunu bildirib. Heyvan hüquqları müdafiəçiləri isə hadisənin ciddi araşdırılmasını tələb ediblər.

Bununla yanaşı, bəzi ekspertlər hadisəni miqrantların sosial vəziyyəti və inteqrasiya problemləri ilə əlaqələndirir. Faktla bağlı araşdırma davam edir.

Telegramda izləyin