Maraq üçün məzarın içinə girən gənclər az qala öləcəkdilər - VİDEO

Hindistanda baş verən qeyri-adi hadisə faciə ilə nəticələnməkdən son anda qurtulub.

Sonxeber.az xarici mediaya istinadən xəbər verir ki, iki nəfər məzarın içinin necə olduğunu görmək məqsədilə qazdıqları məzara daxil olub. Hadisə anı ətrafdakı şəxslər tərəfindən mobil telefon kamerası ilə qeydə alınıb.

Görüntülərdə həmin şəxslərin məzarın içində vaxt keçirdiyi və qeyri-adi hərəkətlər etdiyi əks olunub. Lakin bu maraq təhlükəli vəziyyətə çevrilib.

Belə ki, onlar məzarın içində olduğu zaman qəfil başlayan güclü yağış və külək nəticəsində çuxur qısa müddətdə su ilə dolmağa başlayıb. İçəridə qalan şəxslər panikaya düşərək boğulma təhlükəsi ilə üzləşiblər.

Su səviyyəsinin sürətlə qalxması nəticəsində həyati risk yaşayan həmin şəxslər ətrafdakı insanların köməyi ilə son anda məzardan çıxarılıb. Yaralı vəziyyətdə xəstəxanaya yerləşdirildikləri bildirilir.

Hadisənin görüntüləri sosial mediada sürətlə yayılıb və istifadəçilər tərəfindən "təhlükəli və ağılasığmaz" kimi qiymətləndirilib.

Telegramda izləyin