Bank rəsmi ölüm sənədi istədi, səhv anlayıb qardaşının sümüklərini apardı

Hindistanda baş verən qeyri-adi hadisə böyük təəccüb doğurub. Bankdan vəfat etmiş bacısının hesabındakı pulu çıxarmaq istəyən kişi, ondan ölüm haqqında şəhadətnamə tələb olunanda məsələni yanlış anlayaraq bacısının sümüklərini banka aparıb.

Sonxeber.az xarici mediaya istinadən xəbər verir ki, hadisə Hindistanın Odişa ştatında qeydə alınıb. Keoncar bölgəsində yaşayan Jitu Munda təxminən iki ay əvvəl vəfat edən bacısının hesabında olan 19 min 300 rupini götürmək üçün banka müraciət edib. Lakin bank əməkdaşları vəsaitin çıxarılması üçün rəsmi ölüm sənədi və digər zəruri sənədləri təqdim etməsini istəyiblər.

Məlumata görə, oxuyub-yazmağı bilməyən Munda bank əməkdaşlarının nə tələb etdiyini düzgün başa düşməyib. Bundan sonra o, bacısının məzarını açaraq sümüklərini çıxarıb və torbaya qoyaraq banka gətirib.

Kişinin skelet qalıqları ilə banka gəlməsi əməkdaşlar arasında təşviş yaradıb. Hadisə ilə bağlı polisə məlumat verilib. Qısa müddətdə əraziyə çox sayda insan toplaşıb.

Hadisə yerinə gələn polis əməkdaşları Mundaya ölüm haqqında rəsmi sənəd almalı olduğunu izah ediblər. Səlahiyyətli şəxslər onun vəziyyəti səhv anladığını və hadisədə hər hansı pis niyyət olmadığını bildiriblər.

Telegramda izləyin