"Azərbaycanda insan hüquq və azadlıqlarının müdafiəsi sahəsində böyük işlər həyata keçirilir" - DEPUTAT

"Azərbaycanda insan hüquq və azadlıqlarının müdafiəsi, vətəndaşların hüquqi və siyasi mədəniyyət səviyyəsinin yüksəldilməsi qarşıda duran əsas vəzifə hesab olunur".

Bunu Sonxeber.az-a Milli Məclisin deputatı Müşfiq Cəfərov danışıb.

O, açıqlamasında qeyd edib ki, bunun üçün ölkəmizdə tez-tez yeni qanun layihələri də hazırlanır:

"Bu sahədə təkcə dövlətin deyil, vətəndaş cəmiyyəti subyektlərinin, siyasi partiyaların və vətəndaşların üzərinə ciddi məsuliyyət düşür. Əslində, hər bir vətəndaş öz hüququnu aydın dərk etməlidir. Yalnız bu halda hüquq pozuntusu faktları azala bilər. Bu gün Azərbaycan dövləti insan hüquq və azadlıqlarının müdafiəsi, eyni zamanda vətəndaşların hüquqi-siyasi mədəniyyət səviyyəsinin yüksəldilməsi ilə bağlı böyük addımlar atır. Azərbaycanda vətəndaş cəmiyyətləri də bu sahədə vacib layihələr həyata keçirir. Dövlət tərəfindən vətəndaş cəmiyyətlərinin bu mövzularda aktivliyinə böyük dəstək göstərilir. Qrant yardımları ayrılır və eyni zamanda hüquqi-siyasi maarifləndirmə ən yüksək səviyyədə müxtəlif platformalar, tədbirlər və konfranslar vasitəsilə vətəndaşların diqqətinə çatdırılır. Hesab edirəm ki, bu gün Azərbaycanda insan hüquq və azadlıqlarının müdafiəsi sahəsində böyük işlər həyata keçirilir".

P.S. Yazı Azərbaycan Respublikası Medianın İnkişafı Agentliyinin maliyyə dəstəyi ilə "İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması" mövzusuna uyğun olaraq dərc edilir.

Vüsalə İbarhimli

Telegramda izləyin