48 cinayət qeydiyyatı olan qadın çarşaflı geyimdə oğurluq edərkən yaxalandı - VİDEO

İstanbulun Güngören rayonunda yerləşən ticarət mərkəzlərindən birində oğurluq hadisəsi baş verib.

Sonxeber.az türk mediasına istinadən xəbər verir ki, geyim mağazasında alış-veriş edən Özbəkistan vətəndaşı M.K.-nin içərisində 2 min 100 ABŞ dolları və 9 min lirə olan çantası çarşaf geyinərək üzünü gizlədən qadın tərəfindən oğurlanıb.

Hadisə ilə bağlı araşdırma aparan polis əməkdaşları təhlükəsizlik kameralarının görüntüləri əsasında şübhəlinin kimliyini müəyyən ediblər. S.K. adlı qadın Bakırköydə keçirilən əməliyyat zamanı saxlanılıb.

Məlum olub ki, saxlanılan şəxsin müxtəlif cinayətlər üzrə ümumilikdə 48 cəza qeydi var. Şübhəli məhkəməyə çıxarıldıqdan sonra barəsində həbs qətimkan tədbiri seçilərək cəzaevinə göndərilib.

Telegramda izləyin