Polis əməkdaşı onun xəyanətini tutan arvadını döyərək öldürüb - VİDEO

Filippinin Malolos şəhərində baş verən dəhşətli hadisə ölkədə böyük rezonans doğurub.

Sonxeber.az xarici mediaya istinadən xəbər verir ki, polis əməkdaşı həyat yoldaşı ilə yaşadığı mübahisə zamanı ona ağır xəsarətlər yetirib. Xəstəxanaya çatdırılan qadının həyatını xilas etmək mümkün olmayıb.

İddialara görə, qadın ərinin onu aldatdığını telefonun konum funksiyası vasitəsilə müəyyən edib. Bundan sonra tərəflər arasında mübahisə yaranıb. Mübahisə zamanı qadının ərinə sillə vurduğu, polis əməkdaşının isə buna aqressiv şəkildə cavab verərək onu döydüyü bildirilib. Ağır zərbələr alan qadın beton səthə yıxılaraq huşunu itirib.

Hadisədən sonra polis əməkdaşı saxlanılıb, xidmətdən uzaqlaşdırılıb və silahları əlindən alınıb. Onun barəsində qəsdən adamöldürmə və məişət zorakılığı maddələri ilə cinayət işi açıldığı açıqlanıb.

Telegramda izləyin