"Azərbaycanda insan hüquq və azadlıqlarının qorunması dövlət siyasətinin əsas istiqamətlərindəndir" - DEPUTAT

"İnsan hüquq və azadlıqlarının qorunması bu gün Azərbaycanın dövlət siyasətinin əsas istiqamətlərindən biridir. Dövlət bu sahədə insan hüquq və azadlıqlarının müdafiəsi, eləcə də vətəndaşların hüquqi və siyasi mədəniyyət səviyyəsinin yüksəldilməsi, sosial fəallığının artırılması istiqamətində davamlı olaraq müxtəlif tədbirlər həyata keçirir".

Bu sözləri Sonxeber.az-a Milli Məclisin deputatı Ceyhun Məmmədov danışıb.

O, açıqlamasında qeyd edib ki, görülən hər bir addım xüsusi əhəmiyyət və önəm daşıyır:

"Həyata keçirilən işlərin effektivliyinə gəlincə, hesab edirəm ki, dövlət bu istiqamətdə üzərinə düşən vəzifələri yerinə yetirməyə çalışır. Eyni zamanda vətəndaşların maarifləndirilməsi və düzgün istiqamətləndirilməsi də bu prosesdə mühüm rol oynayır.

Bu sahədə vətəndaşlar tərəfindən də müxtəlif təşəbbüslər və tədbirlər həyata keçirilir. Əsas məqsəd vətəndaşların hüquqlarının müdafiəsinin gücləndirilməsidir.

Hesab edirəm ki, bu prosesdə dövlətlə yanaşı qeyri-hökumət təşkilatlarının da mühüm rolu var. Onlar da bu istiqamətdə aktiv iştirak edərək öz töhfələrini verməlidirlər. Ümumilikdə, maarifləndirmə və təbliğat işləri bu sahədə xüsusi əhəmiyyət kəsb edir".

P.S. Yazı Azərbaycan Respublikası Medianın İnkişafı Agentliyinin maliyyə dəstəyi ilə "İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması" mövzusuna uyğun olaraq dərc edilir.

Vüsalə İbarhimli

Telegramda izləyin