Bu ölkə 2026-cı ildə tək qadın səyahətçilər üçün ən yaxşı yer seçildi (SİYAHI)

Kosta-Rika 2026-cı ildə tək səyahət edən qadınlar üçün ən yaxşı ölkə elan edilib.

Qaynarinfo xəbər verir ki, bu nəticəyə "Time Out" komandası yerli ekspertlərlə sorğu apararaq və hər bir istiqaməti ətraflı təhlil edərək gəlib.

"Kosta-Rika geniş tropik meşələri, cənnətə bənzər çimərlikləri və zəngin biomüxtəlifliyi (dünyadakı heyvan növlərinin təxminən 5%-i burada yaşayır) ilə tanınır və təbiətsevər solo səyahətçilərin mütləq diqqət mərkəzində olmalıdır. Bu kiçik, lakin güclü ölkə həm gənc kəşfiyyatçılar, həm də daha təcrübəli səyyahlar üçün idealdır", deyə "Time Out"un britaniyalı müəllifi Liv Lefviç bildirib.

O həmçinin qeyd edir ki, Sakit okean sahilinin səs-küylü atmosferindən fərqli olaraq, Karib tərəfi daha sakit və təbii cazibəyə malikdir: palma ilə örtülü sahillər, sıx bulud meşələri, rəngarəng mərcan rifləri və çoxsaylı vəhşi heyvanlar (tənbəllər, ulayan meymunlar, iquanalar və tukanlar da daxil olmaqla).

2026-cı ildə qadınlar üçün ən yaxşı 15 solo səyahət ölkəsi

Reytinqə daxil olan ölkələr müxtəlif səyahət tiplərinə görə də kateqoriyalaşdırılıb:

1. Kosta-Rika: aktiv istirahət həvəskarları üçün
2. Fransa: romantik atmosfer sevənlər üçün
3. Filippinlər: çimərlik və ada səyahətləri üçün
4. İngiltərə: qeyri-adi və ekssentrik istirahət üçün
5. İsveç: rahat və sakit həyat tərzi üçün
6. Yaponiya: solo səyahətə yeni başlayanlar üçün
7. Yunanıstan: "Mamma Mia" atmosferini sevənlər üçün
8. Yeni Zelandiya: təbiət müxtəlifliyi üçün
9. İrlandiya: yaşıl mənzərələr həvəskarları üçün
10. Vyetnam: həm küçə marşrutları, həm də zəngin mətbəx üçün
11. Portuqaliya: yeni insanlarla tanışlıq üçün
12. Çexiya: ilk müstəqil səyahət üçün
13. Qvatemala: büdcəyə uyğun səyahət üçün
14. Avstraliya: planlı və rahat səyahət sevənlər üçün
15. Şri-Lanka: daha uzunmüddətli solo səyahətlər üçün

Telegramda izləyin