Çində ABŞ-li alim casusluq ittihamı ilə saxlanılıb

Çində ABŞ vətəndaşı Yu Min Zin casusluq və milli təhlükəsizliyə təhdid şübhəsi ilə saxlanılıb.

Oxu.Az xəbər verir ki, bu barədə "Reuters" Çin Xarici İşlər Nazirliyinin (XİN) rəsmi nümayəndəsi Lin Szyanın brifinqdə verdiyi açıqlamasına əsasən məlumat yayıb.

Xanım Szyan saxlanılmanı təsdiqləyərək, jurnalistlərin "New York Times"ın ötən həftə cənab Zinin Çinin cənub-qərbindəki Kunmin şəhərində itkin düşməsi barədə yaydığı məlumatla bağlı sualını cavablandırıb. XİN nümayəndəsi əlavə edib ki, Çin hakimiyyəti məcburetmə tədbiri barədə ABŞ-nin Çinin cənubundakı Quançjou şəhərindəki baş konsulluğuna məlumat verib.

İyunun 11-də "New York Times" mənbələrə istinadən xəbər vermişdi ki, Çin hakimiyyəti Myanma Strategiya və Siyasət İnstitutunun təsisçisi, ABŞ vətəndaşı Yu Min Zini milli təhlükəsizliyə təhdid ittihamı ilə saxlayıb. Alim iyunun 3-də Myanma dövləti ilə sərhəddə yerləşən Yunnan vilayətinin inzibati mərkəzi Kunmin şəhərində itkin düşmüşdü.

Telegramda izləyin