57 yaşlı kişi dostunun evində ölü tapıldı

Türkiyənin Malatya şəhərində 57 yaşlı Soner Akçadağ dostunun evində ölü vəziyyətdə aşkarlanıb.

Sonxeber.az türk mediasına istinadən xəbər verir ki, məlumata görə, Akçadağ dincəlmək üçün dostunun evində yatağa uzanıb. Bir müddət sonra onun hərəkətsiz qaldığını görən şəxslər hadisə yerinə təcili tibbi yardım çağırıblar.

Hadisə yerinə gələn tibb işçiləri 57 yaşlı kişinin həyatını itirdiyini müəyyən ediblər. Akçadağın meyiti ölüm səbəbinin dəqiqləşdirilməsi məqsədilə məhkəmə-tibbi ekspertizaya göndərilib.

İlkin məlumata əsasən, mərhumun ürək xəstəliyindən əziyyət çəkdiyi bildirilir. Polis əməkdaşları hadisə ilə bağlı araşdırmalara başlayıb.

Araşdırma zamanı hadisə yerinin yaxınlığındakı tullantı konteynerində iki ədəd spirtli içki qutusu da aşkar edilib. Hüquq-mühafizə orqanları ölümün dəqiq səbəbinin müəyyənləşdirilməsi istiqamətində istintaq tədbirlərini davam etdirir.

Telegramda izləyin