Xəzinə axtararkən qazdıqları quyuda həyatlarını itirdilər

Türkiyənin Konya vilayətinin Meram rayonunda qanunsuz şəkildə xəzinə axtarmaq məqsədilə qazıntı aparan iki nəfər faciəvi şəkildə həyatını itirib.

Sonxeber.az türk mediasına istinadən xəbər verir ki, məlumata görə, şəxslər icazəsiz olaraq ərazidə quyu qazıblar. Qazıntı zamanı baş verən hadisə nəticəsində onlar quyuda köməksiz vəziyyətdə qalıblar. Hadisə yerinə cəlb olunan xilasedicilər və təcili yardım briqadaları hər iki şəxsin həyatını itirdiyini müəyyən ediblər.

Hadisənin başvermə səbəbləri araşdırılır. Faktla bağlı hüquq-mühafizə orqanları tərəfindən araşdırmalara başlanılıb.

Qeyd edək ki, Türkiyədə tarixi və mədəni sərvətlərin qanunsuz şəkildə axtarılması və qazıntı işlərinin aparılması qanunla qadağandır.

Telegramda izləyin