Bazar qalmaqalı: bələdiyyə əməkdaşına hücum etdi - VİDEO

İzmir şəhərinin Torbalı rayonunda keçirilən Perşembe Bazarında diqqətçəkən insident baş verib.

Sonxeber.az türk mediasına istinadən xəbər verir ki, məlumata görə, bazarda piştaxta açmağa çalışan bir şəxs, ona xəbərdarlıq edən bələdiyyə əməkdaşlarına hücum edib. Hadisə zamanı şübhəli şəxs əlindəki tərəvəz qutusu ilə bələdiyyə əməkdaşlarından birinin baş nahiyəsinə zərbə endirərək onu yaralayıb.

Daha sonra həmin şəxs öz məhsullarını yerə tökərək bələdiyyə əməkdaşları tərəfindən zərərə uğradığını iddia edib. Lakin hadisə yerində olan təhlükəsizlik kameraları və şahid ifadələri olayın əsl gedişatını üzə çıxarıb.

Faktla bağlı araşdırma aparılır, şübhəli şəxsin saxlanılması istiqamətində tədbirlər görülür.

Telegramda izləyin