60 yaşlı kişi həyətində ölü tapıldı

Türkiyənin Karabük şəhərində 60 yaşlı Dursun Kurt atasına məxsus evin həyətində ölü vəziyyətdə tapılıb.

Sonxeber.az xarici mediaya istinadla xəbər verir ki, hadisə 5000 Evlər Bahçelievlər məhəlləsində baş verib.

Məlumata görə, qonşular Kurtu həyətdə hərəkətsiz vəziyyətdə görərək təcili tibbi yardım və polisə məlumat veriblər. Hadisə yerinə gələn tibb işçiləri onun həyatını itirdiyini müəyyən ediblər.

İlkin ehtimala əsasən, Dursun Kurt tut yığmaq üçün ağacı silkələdiyi zaman qəfil halı pisləşib. Bildirilir ki, o, son bir həftə ərzində ətrafındakılara özünü xəstə hiss etdiyini və halsızlıq yaşadığını deyirmiş.

Prokurorluğun hadisə yerində apardığı araşdırmadan sonra meyit dəqiq ölüm səbəbinin müəyyənləşdirilməsi üçün Karabük Təhsil və Araşdırma Xəstəxanasının morquna aparılıb.

Faktla bağlı araşdırma davam edir. Ölümün səbəbi məhkəmə-tibbi ekspertizanın rəyindən sonra məlum olacaq.

Telegramda izləyin