Qəza törədən sürücü avtomobilini qoyub hadisə yerindən qaçdı

Türkiyənin Çorum şəhərində qırmızı işıqda dayanan avtomobilə arxadan çırpılan sürücü qəzanın ardından nəqliyyat vasitəsini hadisə yerində qoyaraq qaçıb. Hadisə nəticəsində iki nəfər xəsarət alıb.

Sonxeber.az xarici mediaya istinadla xəbər verir ki, qəza gecə saatlarında Akşəmsəddin küçəsində baş verib. Məlumata görə, qırmızı işıqda gözləyən avtomobilə eyni istiqamətdə hərəkət edən digər minik avtomobili arxadan çırpılıb. Toqquşma nəticəsində avtomobildə olan iki nəfər yaralanıb.

Hadisə yerinə çağırılan təcili tibbi yardım briqadası yaralılara ilkin yardım göstərdikdən sonra onları xəstəxanaya çatdırıb.

Şahidlərin sözlərinə görə, qəzaya səbəb olan sürücü avtomobilini hadisə yerində saxlayaraq ərazidən uzaqlaşıb. Polis əməkdaşları onun şəxsiyyətinin müəyyənləşdirilməsi və saxlanılması istiqamətində araşdırmalara başlayıb.

Faktla bağlı istintaq davam edir.

Telegramda izləyin