Ölümün də xeyirlisi! 19 yaşlı oğlan görün necə can verdi

Türkiyənin Tokat vilayətinin Zilə rayonunda baş verən iş qəzası 19 yaşlı Yusuf Poyrazın ölümü ilə nəticələnib.

Sonxeber.az xarici mediaya istinadla xəbər verir ki, hadisə Reşadiyə kəndindəki iş sahəsində qeydə alınıb. Məlumata görə, iş maşınının hidravlik borusu qəfil partlayıb. Nəticədə maşında olan iri həcmli polietilen boru nəzarətdən çıxaraq hərəkətə başlayıb.

Bu zaman ərazidə çalışan Yusuf Poyraz boru ilə park edilmiş TIR qoşqusu arasında sıxılıb. Ağır yaralanan gənc hadisə yerinə çağırılan təcili tibbi yardım briqadası tərəfindən xəstəxanaya çatdırılsa da, onun həyatını xilas etmək mümkün olmayıb.

Faktla bağlı araşdırma aparılır, hadisədə hər hansı səhlənkarlığın olub-olmadığı yoxlanılır.

Telegramda izləyin