"Azərbaycan-Türkmənistan arasındakı dostluq münasibəti regionda sabitliyin və inteqrasiyanın güclənməsinə mühüm töhfə verir" - DEPUTAT
"Azərbaycan-Türkmənistan münasibətləri siyasi dialoq, iqtisadi əməkdaşlıq, nəqliyyat-logistika, energetika, mədəni-humanitar əlaqələr və parlament diplomatiyası kimi müxtəlif istiqamətlər üzrə dinamik inkişaf edir".
Bunu Sonxeber.az-a danışan deputat Pərvanə Vəliyeva bildirib.
Deputat qeyd edib ki, Azərbaycan Respublikası ilə Türkmənistan arasında diplomatik münasibətlər 9 iyun 1992-ci ildə qurulmuşdur:
"Bu gün iki ölkə arasında əlaqələr strateji tərəfdaşlıq səviyyəsinə yüksəlmiş və qarşılıqlı etimada, ortaq tarixə, mədəni köklərə, dil və mənəvi dəyərlərə əsaslanan qardaşlıq münasibətləri üzərində inkişaf edir.. Xüsusilə son illərdə dövlət başçılarının qarşılıqlı səfərləri, yüksək səviyyəli siyasi dialoq və imzalanan çoxsaylı sənədlər münasibətlərin yeni mərhələyə qədəm qoyduğunu göstərir. Azərbaycan Prezidenti İlham Əliyevin Türkmənistana, Türkmənistan Prezidenti Sərdar Berdiməhəmmədovun isə Azərbaycana səfərləri ikitərəfli əməkdaşlığın genişləndirilməsinə mühüm töhfə vermişdir.
İki ölkə arasında 89 sənəddən ibarət möhkəm müqavilə-hüquq bazası formalaşdırılmışdır. Bu sənədlər arasında 2017-ci il avqustun 8-də Bakıda imzalanmış "Azərbaycan Respublikası ilə Türkmənistan arasında Strateji tərəfdaşlıq haqqında Bəyannamə" xüsusi əhəmiyyət daşıyır. Son dövrdə isə energetika, nəqliyyat-logistika, sənaye, kənd təsərrüfatı, səhiyyə, sosial müdafiə, gömrük əməkdaşlığı, qida təhlükəsizliyi və xarici siyasət sahələrində yeni saziş və memorandumlar imzalanmışdır.
İqtisadi əməkdaşlıq Azərbaycan-Türkmənistan münasibətlərinin əsas istiqamətlərindən biridir. Bu məqsədlə fəaliyyət göstərən Azərbaycan-Türkmənistan Hökumətlərarası Komissiyası iqtisadi əlaqələrin inkişafında mühüm rol oynayır. Ticarət dövriyyəsinin dinamikası da əməkdaşlığın yüksələn xətt üzrə inkişaf etdiyini göstərir. Xüsusilə ixracın dəfələrlə artması iqtisadi əlaqələrin genişlənməsinin göstəricisidir".
Deputat söyləyib ki, nəqliyyat və logistika sahəsində əməkdaşlıq tərəflər tərəfindən strateji əhəmiyyətli istiqamət kimi qiymətləndirilir. Prezident İlham Əliyevin qeyd etdiyi kimi, Azərbaycan və Türkmənistan arasında formalaşan nəqliyyat marşrutları yalnız iki ölkə üçün deyil, həm də daha geniş Avrasiya məkanı üçün mühüm əhəmiyyət daşıyır:
"Şərq-Qərb və Orta Dəhliz layihələrinin inkişafı fonunda hər iki ölkə Avropa ilə Asiyanı birləşdirən etibarlı tranzit qovşaqları kimi çıxış edir. Energetika sahəsində əməkdaşlıq da münasibətlərin əsas sütunlarından biridir. Zəngin enerji ehtiyatlarına malik olan Azərbaycan və Türkmənistan enerji təhlükəsizliyi, enerji resurslarının dünya bazarlarına çıxarılması və yeni layihələrin həyata keçirilməsi istiqamətində əməkdaşlığı dərinləşdirmək niyyətindədirlər.
Parlamentlərarası əlaqələr də uğurla inkişaf edir. Azərbaycan Milli Məclisində Azərbaycan-Türkmənistan parlamentlərarası əlaqələr üzrə işçi qrupu fəaliyyət göstərir. Eyni zamanda Türkmənistan Məclisində də Azərbaycanla dostluq qrupu yaradılmışdır ki, bu da qanunve rici orqanlar arasında əməkdaşlığın gücləndirilməsinə xidmət edir.
Mədəni-humanitar sahədə əlaqələr xüsusi yer tutur. Azərbaycan Mədəniyyəti Günlərinin Aşqabadda və Arkadağ şəhərində keçirilməsi, Türkmənistan mədəniyyət xadimlərinin Bakıda və Gəncədə təşkil olunan tədbirlərdə iştirakı xalqlar arasında dostluq münasibətlərinin möhkəmlənməsinə töhfə verir. Bakı və Aşqabadın, eləcə də Füzuli və Arkadağ şəhərlərinin qardaşlaşması bu yaxınlığın rəmzi ifadəsidir".
Deputat vurğulayıb ki, Türkmənistan Qarabağın bərpası prosesinə dəstək göstərən ölkələrdəndir:
"Türkmən xalqının Milli Lideri Qurbanqulu Berdiməhəmmədovun təşəbbüsü ilə Füzuli şəhərində məscidin inşasına başlanılması qardaş ölkənin Azərbaycana səmimi münasibətinin və həmrəyliyinin növbəti nümunəsidir.
Azərbaycan həmçinin Türkmənistanın beynəlxalq təşəbbüslərini, xüsusilə neytrallıq siyasətini daim dəstəkləyir. Türkmənistan da öz növbəsində Azərbaycanın Mərkəzi Asiya Dövlət Başçılarının Məşvərət Şurasına tamhüquqlu üzv kimi qəbul olunmasına fəal dəstək vermişdir. Bu, Azərbaycanın Mərkəzi Asiya ilə əlaqələrinin daha da möhkəmlənməsinə şərait yaratmışdır.
Beləliklə, Azərbaycan-Türkmənistan münasibətləri siyasi dialoq, iqtisadi əməkdaşlıq, nəqliyyat-logistika, energetika, mədəni-humanitar əlaqələr və parlament diplomatiyası kimi müxtəlif istiqamətlər üzrə dinamik inkişaf edir. Tarixi dostluq və qardaşlıq üzərində qurulan bu münasibətlər regionda sabitliyin, qarşılıqlı rifahın və inteqrasiyanın güclənməsinə mühüm töhfə verir".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Kadir İnanırın mirasının məbləği açıqlandı
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
1960-cı ildə proqnozlaşdırılan "qiyamət günü" gəldi
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Netanyahunun sosial şəbəkə hesablarına kiberhücum oldu - FOTO
Azərbaycan-Böyük Britaniya: regional sabitlik və qlobal əməkdaşlıq perspektivləri
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri