Çayxananı yandırmaq üçün üzərinə zibil torbası keçirdi - VİDEO

Türkiyənin Kırıkkale şəhərində gecə saatlarında çayxanada baş verən yanğının qəsdən törədildiyi müəyyən edilib. Təhlükəsizlik kameralarının görüntülərini araşdıran polis yanğını törədən şəxsin tanınmamaq üçün başına və bədəninə zibil torbası keçirdiyini aşkar edib.

Sonxeber.az xarici mediaya istinadla xəbər verir ki,, hadisə şəhərin Yenidoğan məhəlləsində yerləşən çayxanada qeydə alınıb. Qısa müddətdə böyüyən alov məkanı bürüyüb. Məlumat daxil olduqdan sonra əraziyə yanğınsöndürənlər və polis əməkdaşları cəlb olunub.

Yanğınsöndürənlərin operativ müdaxiləsi nəticəsində alov yaxınlıqdakı digər obyektlərə keçmədən nəzarət altına alınaraq söndürülüb. Hadisə nəticəsində çayxanaya ciddi maddi ziyan dəyib.

Yanğından sonra araşdırmaya başlayan Kırıkkale İl Təhlükəsizlik İdarəsinin əməkdaşları təhlükəsizlik kameralarına baxış keçirib. Araşdırma zamanı yanğının üzərinə zibil torbası keçirərək kimliyini gizlətməyə çalışan şəxs tərəfindən törədildiyi müəyyən olunub.

Texniki və fiziki izləmə tədbirləri nəticəsində şübhəlinin A.Ö. olduğu müəyyənləşdirilib. Polis tərəfindən keçirilən əməliyyat zamanı o saxlanılıb və barəsində cinayət işi üzrə araşdırmalara başlanılıb.

Telegramda izləyin