Həyat yoldaşı ilə arasındakı 48 santimetrlik boy fərqi müzakirə mövzusuna çevrilib

"Game of Thrones"un "Dağ"ı yenidən gündəmdə: Həyat yoldaşı ilə boy fərqi müzakirə olunur

Dünyaca məşhur "Game of Thrones" serialında "The Mountain" ("Dağ") obrazı ilə tanınan islandiyalı aktyor Thor Byörnsson həyat yoldaşı Kelsi Hensonla paylaşdığı yeni fotolarla yenidən sosial medianın diqqət mərkəzinə düşüb.

Sonxeber.az xarici mediaya istinadla xəbər verir ki, təxminən 2,05 metr boyunda olan Byörnsson ilə 1,57 metr boyundakı həyat yoldaşı arasındakı 48 santimetrlik boy fərqi istifadəçilərin ən çox müzakirə etdiyi məqamlardan biri olub. Cütlüyün yanaşı çəkdirdiyi fotolar qısa müddətdə geniş yayılıb və minlərlə şərh toplayıb.

Fotolarda iri cüssəsi ilə seçilən aktyorun yanında Kelsi Hensonun olduqca kiçik görünməsi sosial şəbəkə istifadəçilərinin diqqətini çəkib.

Məlumata görə, kanadalı Kelsi Henson və Thor Byörnsson 2017-ci ildə Kanadada tanış olublar. Cütlük bir il sonra - 2018-ci ildə ailə həyatı qurub. Onlar mütəmadi olaraq birlikdə çəkdirdikləri fotoları sosial media hesablarında paylaşırlar və aralarındakı boy fərqi uzun illərdir internet istifadəçilərinin maraqla izlədiyi mövzulardan biridir.

Telegramda izləyin