Yüksək səslə musiqi üstündə gərginlik: Etiraz edən şəxsin avtomobilinə zərər vuruldu - VİDEO

İstanbulun Başakşehir rayonunda yüksək səslə musiqi dinləyən qrupa etiraz edən vətəndaşla həmin şəxslər arasında mübahisə yaşanıb.

Sonxeber.az xarici mediaya istinadla xəbər verir ki, mübahisə zamanı qrup üzvləri vətəndaşı təhqir edərək onun avtomobilinə zərbələr endiriblər.

Hadisənin gecə saatlarında baş verdiyi bildirilir. Məlumata görə, yüksək səslə musiqi ətrafdakı sakinləri narahat etdiyi üçün bir vətəndaş qrupdan səsi azaltmağı xahiş edib. Bundan sonra tərəflər arasında sözlü mübahisə yaranıb.

İddialara əsasən, qrupdakı bəzi şəxslər etiraza aqressiv reaksiya verərək vətəndaşı söyüb və onun avtomobilinə zərər vurublar. Baş verənlər ətrafdakı şəxslər tərəfindən mobil telefonla lentə alınıb.

Təhqir olunduğunu bildirən vətəndaş hadisədən sonra həmin şəxslərdən polisə şikayət edib. Faktla bağlı araşdırma aparılır.

Telegramda izləyin