Şirniyyat dükanına silahlı hücum edən yeniyetmələr həbs olunub - VİDEO

Türkiyənin Adana şəhərində ötən il iki dəfə silahlı hücuma məruz qalan şirniyyat dükanı bir neçə gün əvvəl yenidən atəşə tutulub. Polis araşdırması nəticəsində hücumu həyata keçirənlərin 15 və 16 yaşlı yeniyetmələr olduğu müəyyən edilib.

Sonxeber.az xarici mediaya istinadla xəbər verir ki, hadisə Seyhan rayonunda yerləşən şirniyyat dükanında baş verib. Silahlı hücum nəticəsində xəsarət alan olmasa da, obyektə maddi ziyan dəyib. Hücum anı təhlükəsizlik kameraları tərəfindən qeydə alınıb.

Polis ətrafdakı 400-ə yaxın təhlükəsizlik kamerasından əldə edilən təxminən 300 saatlıq görüntünü araşdıraraq silahla atəş açan şəxsin 16 yaşlı B.A., hadisəni mobil telefonla lentə alanın isə 15 yaşlı M.U.O. olduğunu müəyyən edib.

Keçirilən əməliyyat zamanı saxlanılan hər iki yeniyetmə məhkəmənin qərarı ilə həbs edilib.

İlkin məlumata görə, silahlı hücum borc mübahisəsi zəminində baş verib.

Telegramda izləyin