Konsertdə qadınlar tərəfindən narahat edildiyini iddia edən gənc qızın paylaşımı müzakirələrə səbəb olub - VİDEO

Sosial şəbəkələrdə yayılan video qısa müddətdə geniş müzakirələrə səbəb olub. Videoda danışan gənc qadın qatıldığı konsertdə dörd qadın tərəfindən narahat edildiyini iddia edərək yaşadıqlarını bölüşüb.

Bu barədə Sonxeber.az xarici mediaya istinadla xəbər verir.

Onun sözlərinə görə, konsert zamanı həmin şəxslər dəfələrlə onunla söhbət qurmağa çalışıb, fiziki təmas yaratmağa cəhd ediblər və telefon nömrəsini istəyiblər.

Gənc qadın bildirib ki, əsnədiyini gördükdən sonra qadınlar çiyninə toxunaraq söhbətə başlamağa çalışıblar. Spirtli içki qəbul etmədiyini dedikdən sonra isə ondan telefon nömrəsini istədiklərini iddia edib.

O, həmçinin həmin şəxslərin dəfələrlə yanına gələrək ona toxunduqlarını, "Bağışlayın" deyərək təmas yaratdıqlarını və bir neçə dəfə kürəyinə vurduqlarını söyləyib. Daha sonra telefonlarını itirdiklərini bəhanə edərək öz nömrəsini yazmasını xahiş etdiklərini də əlavə edib.

Yaşadığı hadisədən narahat olduğunu deyən gənc qadın, "Həyatımda ilk dəfə qadınlar tərəfindən narahat edildim. Kişilər, düşünürəm ki, artıq sizi daha yaxşı anlayıram", - ifadələrini işlədib.

Sosial şəbəkələrdə sürətlə yayılan video istifadəçilər arasında fərqli reaksiyalara səbəb olub. Bəzi istifadəçilər gənc qadının narahatlığını haqlı hesab edərkən, digərləri isə hadisə ilə bağlı iddiaların yalnız onun şəxsi açıqlamalarına əsaslandığını qeyd ediblər.

Telegramda izləyin