Məşhur fenomenin "qarpız" barədə dediklərinə baxın - VİDEO

Türkiyə ilə Yunanıstan arasında zaman-zaman gündəmə gələn ortaq mədəniyyət mübahisələri bu dəfə "qarpız" sözü ətrafında yenidən alovlanıb.

Sonxeber.az xarici mediaya istinadla xəbər verir ki, sosial şəbəkələrdə tanınan yunan fenomen əlində qarpızla paylaşdığı videoda Türkiyədə işlədilən "karpuz" sözünün yunan dilindəki "karpouzi" sözündən gəldiyini iddia edib. O, zarafatla "Sözlərimizi oğurlamağı dayandır, qonşu!" deyərək türk izləyicilərinə müraciət edib.

Qısa müddətdə viral olan video həm Türkiyə, həm də Yunanıstan sosial media istifadəçiləri arasında geniş müzakirələrə səbəb olub. Bir qrup istifadəçi paylaşımı yumor kimi qiymətləndirsə də, digərləri iki ölkə arasındakı mədəni və dil oxşarlıqlarının təbii olduğunu vurğulayıb.

Qeyd edək ki, daha əvvəl də paxlava, dönər, dolma, musakka, cacıq və Türk qəhvəsi kimi məhsulların mənşəyi ilə bağlı Türkiyə və Yunanıstan arasında oxşar mübahisələr yaşanıb.

Telegramda izləyin