Yüksək pul mükafatı üçün unitazdan içki içdlər - VİDEO

Rusiyanın Stavropol şəhərində yerləşən ticarət mərkəzlərindən birində keçirilən qeyri-adi müsabiqə ölkədə geniş narazılıq yaradıb.

Sonxeber.az xarici mediaya istinadla xəbər verir ki, təxminən 950 funt sterlinq pul mükafatı uğrunda yarışan iştirakçılar yan-yana düzülmüş unitazların içinə doldurulan qazlı, alkoqolsuz içkiləri ən qısa zamanda içməyə çalışıblar. Start siqnalından sonra iştirakçılar unitazlara tərəf qaçaraq içkiləri saniyələr ərzində bitirməyə çalışıb. Yarış iştirakçılarından biri ən sürətli nəticə göstərərək mükafatı qazanıb.

Hadisənin görüntüləri sosial şəbəkələrdə sürətlə yayılaraq ciddi müzakirələrə səbəb olub. Şəhər sakinləri və sosial media istifadəçiləri reklam məqsədilə təşkil olunan bu cür tədbirin şəhərin nüfuzuna və mədəni dəyərlərinə xələl gətirdiyini bildirərək ticarət mərkəzinin rəhbərliyini və məsul şəxsləri sərt tənqid ediblər.

Həmçinin hadisə ilə bağlı araşdırma aparılması çağırışları səsləndirilib.

Telegramda izləyin