Gənc qızın avtobusdakı üsyanı: "Allah xatirinə duş qəbul edin" - VİDEO

Sosial şəbəkələrdə yayılan bir video ictimai nəqliyyatda gigiyena və xoşagəlməz qoxu problemi ilə bağlı geniş müzakirələrə yol açıb. Videonu paylaşan gənc qadın xüsusilə metro və qatarlarda şəxsi gigiyena qaydalarına əməl olunmamasından narazılığını ifadə edib.

Sonxeber.az xarici mediaya istinadla xəbər verir ki, qadın videoda sərnişinlərə müraciət edərək şəxsi təmizliyə daha çox diqqət yetirməyə çağırıb. O, bəzi insanların özlərindən gələn qoxunu hiss etmədiyini və bunun digər sərnişinlər üçün narahatlıq yaratdığını bildirib.

Paylaşım müəllifi ictimai nəqliyyatda səyahətin bəzi hallarda dözülməz hala gəldiyini qeyd edərək, ən azı dezodorantdan istifadə edilməsinin və ya müntəzəm duş qəbulunun vacibliyini vurğulayıb. O, şəxsi gigiyenaya laqeyd yanaşan bəzi insanların vəziyyətini sərt ifadələrlə tənqid edib.

Video qısa müddətdə sosial şəbəkələrdə geniş yayılıb. İstifadəçilərin bir qismi qadının narahatlığını haqlı hesab edərək ictimai yerlərdə şəxsi gigiyena qaydalarına riayət edilməsinin vacibliyini vurğulayıb, digər qismi isə onun istifadə etdiyi ifadələrin həddindən artıq sərt olduğunu bildirib.

Telegramda izləyin