Gənc qız yolda görüb bəyəndiyi oğlana görün nə təklif etdi - VİDEO

Sosial şəbəkələrdə yayılan bir video qısa müddətdə geniş müzakirələrə və tənqidlərə səbəb olub. Görüntülərdə avtomobillə hərəkətdə olan iki qadının yolda olan iki gəncə yaxınlaşaraq onlarla danışması əks olunub.

Sonxeber.az xarici mediaya istinadla xəbər verir ki, kadrlarda qadınlardan birinin gənclərə "Sevgilin var?" sualını ünvanladığı, "Var" cavabını aldıqdan sonra isə zarafatla "Bir dənə də olsun" dediyi görünür. Həmin anlar avtomobildə olan şəxslər tərəfindən lentə alınaraq sosial şəbəkələrdə paylaşılıb.

Videonun yayılmasının ardından çoxsaylı istifadəçilər hadisəyə sərt reaksiya veriblər. Bir çoxu bu davranışı yolverilməz hesab edərək, ictimai məkanda bu cür müraciətlərin sözlü təcavüz kimi qiymətləndirilə biləcəyini bildirib.

Paylaşımın şərh bölməsində minlərlə tənqidi rəy yazılıb. İstifadəçilər arasında "Utanmazlar", "Daha nələr görəcəyik?" kimi fikirlər səsləndirilib.

Hadisə sosial şəbəkələrdə "Təcavüzün cinsiyyəti və geyimi olmaz" mövzusunda müzakirələrin yenidən gündəmə gəlməsinə səbəb olub. Videonun harada və nə vaxt çəkildiyi ilə bağlı isə rəsmi məlumat açıqlanmayıb.

Telegramda izləyin