Elektrik dirəyinə çıxan ayı cərəyan vurması nəticəsində ölüb - VİDEO

ABŞ-ın Nyu-Meksiko ştatında elektrik dirəyinin zirvəsinə qalxan ayı faciəvi şəkildə ölüb.

Sonxeber.az xarici mediaya istinadla xəbər verir ki, hadisə 56 nömrəli avtomobil yolunda qeydə alınıb. Sürücülərdən biri dirəyin ən yüksək hissəsində ilişib qalan ayını görərək bu anları mobil telefonla lentə alıb və dərhal təcili xidmətə məlumat verib.

Mütəxəssislər bildiriblər ki, ayını sakitləşdirici iynə ilə endirmək mümkün olmayıb. Çünki bu halda heyvanın hündürlükdən yıxılaraq ağır xəsarət alması riski yüksək idi.

Yerli KİV-in məlumatına görə, xilasetmə əməliyyatı təşkil edilməzdən əvvəl ayı elektrik naqillərinə toxunaraq cərəyan vurması nəticəsində ölüb.

Mütəxəssislərin sözlərinə görə, ayılar bəzən səs-küy, insanlar və ya itlərdən qorxaraq təhlükədən qaçmaq üçün elektrik dirəklərinə dırmaşa bilirlər.

Telegramda izləyin