Gənc ananın çarəsizliyi gündəm oldu: Minlərlə insan dəstək istədi - VİDEO

Sosial şəbəkələrdə geniş yayılan görüntülər Dilara adlı gənc qadının məişət zorakılığına məruz qaldığını və ağır həyat şəraiti ilə üz-üzə qaldığını gündəmə gətirib.

Sonxeber.az türk mediasına istinadən xəbər verir ki, iddialara görə, qadın narkotik və qumar asılılığı olan həyat yoldaşı tərəfindən hamilə olduğu dövrdə də fiziki zorakılığa məruz qalıb. Hazırda üç aylıq körpəsi ilə birlikdə təhlükə və çətin şəraitdə yaşayan gənc ananın vəziyyəti ictimai narahatlığa səbəb olub.

Paylaşılan görüntülərdən sonra minlərlə sosial media istifadəçisi məsələ ilə bağlı aidiyyəti dövlət qurumlarını və uşaq hüquqlarını müdafiə edən təşkilatları etiketləyərək qadının və körpəsinin təhlükəsizliyinin təmin olunmasına çağırış edib.

Hadisə ilə bağlı rəsmi qurumların açıqlaması gözlənilir.

Telegramda izləyin