Möcüzəvi xilas: Bu halda 16 kilometr piyada yol getdi - VİDEO

ABŞ-nin Montana ştatının ən hündür zirvəsi olan Granite Peak-ə qalxan 32 yaşlı təcili tibbi yardım işçisi Devid Cifaldi inanılmaz sağ qalma hekayəsi ilə gündəmə gəlib.

Sonxeber.az xarici mediaya istinadən xəbər verir ki, hadisə zamanı ayağı sürüşən Cifaldi öz trekking çubuğunun üzərinə yıxılıb. Nəticədə çubuq onun bədənini deşərək ciddi xəsarət yetirib. Ağır yaralanmasına baxmayaraq, o, soyuqqanlılığını itirməyib və təxminən 16 kilometr piyada yol qət edərək dağdan enməyə müvəffəq olub.

Dağdan endikdən sonra xilasedicilər tərəfindən xəstəxanaya çatdırılan Cifaldi təcili əməliyyat olunub. Həkimlərin bildirdiyinə görə, trekking çubuğu həyati vacib orqanlara zərər vermədiyi üçün onun həyatı xilas edilib.

Mütəxəssislər bu hadisəni son illərin ən möcüzəvi sağ qalma hekayələrindən biri kimi qiymətləndirirlər.

Telegramda izləyin