Sürücülük vəsiqəsini aldığı gün ləğv edildi - VİDEO

Türkiyənin Zonguldak vilayətinin Karadəniz Ereğli rayonunda sürücülük vəsiqəsini aldığı gün yol hərəkəti qaydasını pozan namizəd sürücü vəsiqəsini elə həmin gün itirib.

Sonxeber.az xarici mediaya istinadla xəbər verir ki., hadisə yol polisi tərəfindən dron vasitəsilə aparılan nəzarət zamanı qeydə alınıb. Piyada keçidindən keçmək istəyən şəxsə yol verməyən avtomobil saxlanılıb və sürücü Poyraz S.-yə piyada keçidi qaydasını pozduğu üçün 5 min 662 lirə məbləğində inzibati cərimə tətbiq edilib.

Araşdırma zamanı məlum olub ki, Poyraz S. avtomobil idarəetmə vəsiqəsini cəmi bir neçə saat əvvəl alıb və namizəd sürücü statusunda olub. Bununla yanaşı, onun daha əvvəl motosiklet sürücülük vəsiqəsinə sahib olduğu və əvvəlki yol hərəkəti qayda pozuntularına görə cərimə balının qanunla müəyyən edilmiş həddə - 25 bala çatdığı müəyyən edilib.

Son qayda pozuntusuna görə tətbiq edilən cərimədən sonra sürücünün cərimə balı limiti tam dolduğu üçün qanunvericiliyə əsasən namizəd sürücülük hüququ və sürücülük vəsiqəsi ləğv edilib.

Məlumata görə, sürücü baş verən hadisəyə etiraz edərək, "Vəsiqə üçün təzəcə 40 min lirə ödəmişdim" sözləri ilə narazılığını ifadə edib.

Telegramda izləyin