ABŞ-İran müharibəsində yeni mərhələ: Vaşinqton danışıqları davam etdirir, Tehran isə hədələrini sərtləşdirir

ABŞ ilə İran arasında beş aydır davam edən qarşıdurma fonunda diplomatik səylər sürətlənsə də, bölgədə hərbi gərginlik hələ də yüksək olaraq qalır.

Sonxeber.az Reuters-ə istinadən xəbər verir ki, ABŞ Prezidenti Donald Tramp administrasiyası Tehranla aparılan danışıqlarda irəliləyiş olduğunu bəyan edib. Eyni zamanda İran Körfəz ölkələrinə xəbərdarlıq edərək bildirib ki, ABŞ yeni hərbi zərbələr endirəcəyi təqdirdə, regiondakı enerji infrastrukturu və ABŞ-ın maraqları hədəfə alına bilər.

Reuters-in məlumatına görə, ABŞ ictimaiyyətində də müharibənin uzanması ilə bağlı narahatlıq artır. Yeni sorğunun nəticələrinə əsasən, amerikalıların əksəriyyəti münaqişənin Yaxın Şərqdə daha böyük qeyri-sabitliyə səbəb olacağını düşünür. Ekspertlər isə hesab edirlər ki, danışıqların nəticəsiz qalacağı halda regionda yeni hərbi eskalasiya riski daha da yüksələ bilər.

Telegramda izləyin