Seda Sayan lüks çanta etirafı ilə gündəmə gəldi: "Saxtasını da alıram, nə var ki?"

Türkiyəli məşhur müğənni Seda Sayan lüks məhsullara münasibəti ilə bağlı açıqlaması ilə diqqət çəkib. Sənətçi xüsusilə bahalı çantaların qiymətlərini tənqid edərək orijinal məhsul əvəzinə saxta variantlardan istifadə etdiyini açıq şəkildə bildirib.

Sonxeber.az xarici mediaya istinadla xəbər verir ki, Seda Sayan orijinal çantaların qiymətlərinin həddindən artıq yüksək olduğunu deyib. O, belə məhsullara minlərlə avro ödəməkdənsə, daha münasib qiymətə saxta variant almağa üstünlük verdiyini söyləyib.

Müğənni Parisdə başına gələn hadisəni də danışıb. İstifadə etdiyi çantanın fermuarı ilə bağlı yaşadığı hadisəni xatırladan Sayan bildirib ki, çantanın saxta olduğunu qarşı tərəf belə asanlıqla anlamayıb.

Sayan lüks çantaların qiymətləri ilə bağlı fikrini belə ifadə edib: "5-10 min avro verməyin. Gedib saxtasına pul verərik, əslinə əsla."

Məşhur sənətçi daha sonra "Mən saxta da istifadə edirəm. Gözəldirsə, alıram. Nə var ki?" deyərək bu seçimindən çəkinmədiyini vurğulayıb.

Sayan orijinal çantanın qiyməti 5 min avro olduğu halda həmin məbləği ödəməyəcəyini də bildirib: "Saxta çanta istifadə edirəm! Orijinalı 5 min avrodursa, vermərəm. Dəliyəm mən? Pulu asan qazanmıram"

Müğənni bir çox məhsulda saxta variantlara üstünlük verə biləcəyini desə də, saat məsələsində fərqli düşündüyünü və bu seçimə getmədiyini qeyd edib.

Seda Sayanın açıqlamaları sosial mediada geniş müzakirələrə səbəb olub və lüks məhsulların yüksək qiymətləri ilə bağlı müzakirələri yenidən gündəmə gətirib.

Telegramda izləyin