Zelenski Samara vilayətinə və Qara dəniz akvatoriyasına zərbələr endirildiyini açıqlayıb

Ukrayna qüvvələri Rusiyanın Samara vilayətindəki logistika qovşağına və Qara dəniz akvatoriyasındakı hədəflərə zərbələr endirib.

"Report" xəbər verir ki, bu barədə Ukrayna Prezidenti Volodimir Zelenski sosial şəbəkələrdə yazıb.

Onun sözlərinə görə, əvvəlki zərbələr də nəticə verib. Xüsusilə Saki aerodromunda "Su-24M" təyyarəsi və dörd ədəd aerodrom avadanlığı məhv edilib.

Bundan başqa, Zelenskinin sözlərinə görə, Ukrayna qüvvələri Bryansk vilayətində pilotsuz uçuş aparatlarının idarə edilməsi üzrə retranslyasiya stansiyalarını məhv edib.

Öz növbəsində, Ukrayna Silahlı Qüvvələrinin Baş Qərargahı məlumat verib ki, Ukrayna qüvvələri Rusiyanın Krasnodar diyarındakı "Primorsko-Axtarsk" aerodromu ərazisində pilotsuz uçuş aparatlarının saxlanması üçün 18 anbar binasını və "Niobi" radiolokasiya stansiyasını vurub.

Telegramda izləyin