Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğru

Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğru23 avqust 2026-cı il Azərbaycan-Özbəkistan münasibətlərinin tarixində mühüm siyasi və diplomatik hadisələrlə yadda qaldı. Azərbaycan Respublikasının Prezidenti İlham Əliyevin Özbəkistan Respublikasına dövlət səfəri iki qardaş ölkə arasında əlaqələrin bütün istiqamətlər üzrə daha da dərinləşdirilməsi baxımından mühüm əhəmiyyət daşıdı. Səfər çərçivəsində keçirilən yüksək səviyyəli görüşlər, Azərbaycan və Özbəkistan prezidentlərinin qarşılıqlı dövlət təltifləri, mühüm sənədlərin imzalanması, iqtisadi və humanitar layihələrin təqdim edilməsi iki ölkə arasında münasibətlərin strateji xarakterini bir daha nümayiş etdirdi.

Dövlət səfəri - qardaşlıq münasibətlərinin növbəti nümayişi

Prezident İlham Əliyevin səfəri Özbəkistan Prezidenti Şavkat Mirziyoyevin dəvəti ilə baş tutub. Daşkənddə Azərbaycan dövlət başçısının rəsmi qarşılanma mərasiminin keçirilməsi səfərin yüksək dövlət protokolu və siyasi əhəmiyyətini göstərdi. Tərəflər arasında təkbətək görüş və Azərbaycan-Özbəkistan Ali Dövlətlərarası Şuranın üçüncü iclası keçirildi.
Ali Dövlətlərarası Şuranın fəaliyyəti iki ölkə arasında münasibətlərin institusional əsaslarının möhkəmləndirilməsi baxımından xüsusi əhəmiyyət daşıyır. Bu format siyasi dialoqun ardıcıllığını təmin etməklə yanaşı, iqtisadiyyat, investisiya, nəqliyyat, enerji, təhsil, mədəniyyət və digər sahələrdə qarşıya qoyulan məqsədlərin həyata keçirilməsinə imkan yaradır.
Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruPrezident İlham Əliyevin səfəri zamanı səsləndirdiyi fikirlər də Azərbaycan və Özbəkistan arasında münasibətlərin qarşılıqlı etimada, dostluğa və qardaşlığa əsaslandığını göstərdi. Dövlət başçısı Özbəkistanın inkişafını yüksək qiymətləndirərək iki ölkənin xalqlarını daha da yaxınlaşdıracaq birgə fəaliyyətin davam etdirilməsinin vacibliyini vurğuladı.

Şavkat Mirziyoyevə "Heydər Əliyev" ordeni - tarixi xidmətlərə yüksək qiymət

23 avqust səfərinin ən mühüm hadisələrindən biri Özbəkistan Prezidenti Şavkat Mirziyoyevin Azərbaycanın ali dövlət təltiflərindən biri olan "Heydər Əliyev" ordeni ilə təltif edilməsidir.
Azərbaycan Prezidentinin sərəncamında qeyd olunur ki, Şavkat Mirziyoyev Azərbaycan Respublikası ilə Özbəkistan Respublikası arasında dostluq, qardaşlıq və müttəfiqlik əlaqələrinin inkişafında xüsusi xidmətlərinə görə bu ordenə layiq görülüb.
Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruBu təltif yalnız bir dövlət başçısının xidmətlərinin qiymətləndirilməsi kimi deyil, Azərbaycan xalqının Özbəkistan rəhbərliyinə və qardaş Özbəkistan xalqına münasibətinin yüksək ifadəsi kimi də dəyərləndirilə bilər.
Təltif mərasimində isə qarşılıqlı ehtiramın daha bir nümunəsi nümayiş etdirildi. Şavkat Mirziyoyev Prezident İlham Əliyevə Özbəkistanın ali dərəcəli "Dostluq" ordenini, İlham Əliyev isə Şavkat Mirziyoyevə "Heydər Əliyev" ordenini təqdim etdi. Beləliklə, iki ölkə liderinin dövlət təltifləri ilə qarşılıqlı şəkildə təltif olunması Azərbaycan-Özbəkistan münasibətlərində qarşılıqlı hörmət və etimadın simvoluna çevrildi.

Əbədi dostluğun hüquqi əsasları möhkəmlənir

Səfərin mühüm nəticələrindən biri Azərbaycan və Özbəkistan arasında münasibətlərin hüquqi bazasının daha da gücləndirilməsi oldu. Avqustun 23-də Daşkənddə iki ölkə prezidentlərinin iştirakı ilə bir sıra sənədlərin imzalanması və mübadiləsi mərasimi keçirildi.
Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruİmzalanan sənədlər arasında Azərbaycan Respublikası ilə Özbəkistan Respublikası arasında "Əbədi dostluq haqqında Müqavilə" və Ali Dövlətlərarası Şuranın üçüncü iclasının qərarı xüsusi əhəmiyyət daşıyır. Bu sənədlər iki ölkə arasında münasibətlərin uzunmüddətli və strateji perspektivdə inkişafına mühüm hüquqi-siyasi zəmin yaradır.
Əbədi dostluq anlayışının dövlətlərarası sənəddə təsbit olunması iki ölkə arasında münasibətlərin yalnız cari siyasi maraqlara deyil, tarixi, mədəni və mənəvi yaxınlığa əsaslandığını göstərən mühüm siyasi mesajdır.İqtisadi əməkdaşlıq yeni mərhələyə qədəm qoyur.

Azərbaycan-Özbəkistan münasibətlərində siyasi yaxınlaşma iqtisadi əlaqələrin inkişafı ilə paralel şəkildə davam edir. Son illərdə qarşılıqlı ticarətin artması, investisiya layihələrinin genişlənməsi və biznes dairələri arasında əlaqələrin möhkəmlənməsi bunun göstəricisidir.

Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruPrezident İlham Əliyev Özbəkistanın Milli İnformasiya Agentliyinə müsahibəsində Azərbaycanla Özbəkistan arasında ticarət dövriyyəsinin 2025-ci ildə əvvəlki illə müqayisədə üç dəfədən çox artaraq 795 milyon ABŞ dollarına çatdığını bildirib. 2026-cı ilin yanvar-may aylarında isə ticarət dövriyyəsi əvvəlki ilin eyni dövrü ilə müqayisədə 33 faiz artaraq 144 milyon dollara yüksəlib.

Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruBu göstəricilər iqtisadi əməkdaşlığın potensialının kifayət qədər böyük olduğunu göstərir. Qarşılıqlı investisiyaların artırılması, birgə müəssisələrin yaradılması, sənaye kooperasiyasının genişləndirilməsi və nəqliyyat-logistika imkanlarından daha səmərəli istifadə gələcək mərhələnin əsas istiqamətləri sırasında ola bilər.

Bakıda Özbəkistan Ticarət Evi - iqtisadi körpü

Azərbaycan-Özbəkistan iqtisadi əlaqələrinin inkişafında Bakıda Özbəkistan Ticarət Evinin fəaliyyəti də xüsusi yer tutur.
2024-cü ildə açılan Ticarət Evinin yaradılmasının əsas məqsədlərindən biri iki ölkənin sahibkarları və biznes strukturları arasında birbaşa əlaqələrin qurulmasına, məhsulların qarşılıqlı bazarlara çıxarılmasına və ixrac imkanlarının genişləndirilməsinə şərait yaratmaqdır.

Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruTicarət Evində "Made in Uzbekistan" brendi ilə istehsal olunan müxtəlif məhsulların təqdim edilməsi də bu baxımdan əhəmiyyətlidir. Ticarət Evi iki ölkənin biznes nümayəndələri üçün bir növ iqtisadi platforma rolunu oynayaraq Azərbaycan bazarına Özbəkistan məhsullarının çıxışını, eləcə də Azərbaycan şirkətlərinin Özbəkistan bazarına marağının artmasını stimullaşdırır.

Azərbaycanın Özbəkistandakı layihələri genişlənir

23 avqust səfəri çərçivəsində iqtisadi əməkdaşlığın daha bir mühüm istiqaməti Azərbaycanın Özbəkistanda həyata keçirdiyi və planlaşdırdığı layihələrin təqdim olunması oldu.Prezidentlər İlham Əliyev və Şavkat Mirziyoyev bu layihələrin açılış və təməlqoyma mərasimlərində onlayn formatda iştirak etdilər. "Davr Bank"da Azərbaycan Beynəlxalq Bankının iştirakı, "Matanat-A" şirkətinin gips zavodu, "Landau" STEAM məktəbləri kimi layihələr istifadəyə verildi. Eyni zamanda SOCAR-ın beş yeni yanacaqdoldurma məntəqəsi, "Sea Breeze Uzbekistan", "Baku City", gümüş tərkibli filizin emalı fabrikinin və meyvə bağlarının təməli qoyuldu.Bu layihələr Azərbaycan şirkətlərinin Özbəkistan iqtisadiyyatına artan marağının və iki ölkə arasında biznes əməkdaşlığının praktiki nəticələrinin göstəricisidir.

Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruHumanitar və mədəni əlaqələr - münasibətlərin mənəvi dayağı

Azərbaycan və Özbəkistan arasında münasibətlər yalnız siyasət və iqtisadiyyatla məhdudlaşmır. İki xalqı birləşdirən ortaq tarix, dil, mədəniyyət və mənəvi dəyərlər münasibətlərin mühüm təməlini təşkil edir.
23 avqustda Daşkənddə Nizami Gəncəvi adına Milli Pedaqoji Universitetin açılışında Prezident İlham Əliyevin və Prezident Şavkat Mirziyoyevin iştirakı da humanitar əməkdaşlığın əhəmiyyətini nümayiş etdirdi. Yeni layihənin Nizami Gəncəvinin adını daşıması Azərbaycan ədəbiyyatının və mədəni irsinin Özbəkistanda yüksək qiymətləndirilməsinin simvolik nümunələrindən biridir.
Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruEyni zamanda Yeni Daşkənddə "Azərbaycan" parkının təməlinin qoyulması xalqlarımız arasındakı dostluğun şəhər məkanında da öz əksini tapmasına xidmət edən mühüm hadisədir.

Azərbaycanın və Özbəkistanın ortaq gələcəyə baxışı

Bu səfərin nəticələri göstərir ki, Azərbaycan və Özbəkistan münasibətləri artıq yalnız ikitərəfli əməkdaşlıq çərçivəsində deyil, regional inkişaf və nəqliyyat-logistika prosesləri baxımından da mühüm əhəmiyyət daşıyır.
Azərbaycanın Şərq-Qərb və Şimal-Cənub nəqliyyat dəhlizlərində mühüm mövqeyi, Özbəkistanın Mərkəzi Asiyada yerləşməsi iki ölkəyə qarşılıqlı nəqliyyat və logistika imkanlarından daha geniş istifadə etmək üçün böyük perspektivlər açır.Bu baxımdan Orta Dəhlizin inkişafı, Xəzər üzərindən yükdaşımaların artırılması və Azərbaycan ərazisinin Mərkəzi Asiya ilə Avropa arasında mühüm bağlantı kimi rolunun gücləndirilməsi iki ölkənin iqtisadi maraqlarının kəsişdiyi əsas istiqamətlərdəndir.

Prezident İlham Əliyevin Özbəkistana dövlət səfəri Azərbaycan-Özbəkistan münasibətlərinin yeni mərhələyə keçidini nümayiş etdirən mühüm siyasi hadisə oldu.Şavkat Mirziyoyevin "Heydər Əliyev" ordeni ilə təltif edilməsi iki ölkə arasında dostluq və qardaşlıq münasibətlərinə verilən yüksək qiymətin ifadəsi oldu. Prezident İlham Əliyevin "Dostluq" ordeni ilə təltif edilməsi isə Özbəkistan tərəfinin Azərbaycan dövlət başçısının iki ölkə arasında münasibətlərin inkişafındakı roluna verdiyi yüksək qiyməti nümayiş etdirdi.

Əbədi dostluq haqqında müqavilənin imzalanması, Ali Dövlətlərarası Şuranın üçüncü iclasının keçirilməsi, yeni iqtisadi layihələrin açılışı və təməlqoyması, humanitar layihələrin inkişafı və qarşılıqlı investisiya imkanlarının genişlənməsi münasibətlərin hərtərəfli xarakter aldığını göstərir.

Azərbaycan-Özbəkistan münasibətlərində yeni tarixi mərhələ: dostluq, qardaşlıq və strateji tərəfdaşlıqdan müttəfiqliyə doğruBakıda fəaliyyət göstərən Özbəkistan Ticarət Evi isə bu münasibətlərin iqtisadi ölçüdə praktiki ifadələrindən biri kimi Azərbaycan və Özbəkistan sahibkarlarını daha da yaxınlaşdıran platformadır.Bütün bunlar deməyə əsas verir ki, Azərbaycan və Özbəkistan arasında münasibətlər tarixi dostluq və qardaşlıqdan güc alan, qarşılıqlı etimadla möhkəmlənən və konkret layihələrlə zənginləşən uzunmüddətli tərəfdaşlıq modelinə çevrilir. 23 avqust səfəri də bu modelin daha da möhkəmləndirilməsi baxımından xüsusi siyasi və tarixi əhəmiyyət daşıyır.

Ramin Şərifov
"Özbəkistan Ticarət Evi"nin direktoru


Sonxeber.az
Telegramda izləyin
Sosial   Baxılıb: 330   Tarix: 24 avqust 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA

Dünya bazarında ərzaq məhsullarının qiymətində azalma müşahidə olunsa da, bu tendensiya Azərbaycanın daxili bazarında özünü eyni şəkildə göstərmir. FAO-nun oktyabr ayı üzrə göstəricilərinə əsasən, qlobal Ərzaq Qiymətləri İndeksi 1,2 faiz azalıb. Azərbaycanda isə əksinə, həmin ay ət və ət məhsulları

17 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

Gürcüstanda azərbaycanlı gəncin meyiti tapıldı

Gürcüstanda azərbaycanlıların kompakt yaşadığı Marneuli rayonunda faciəvi hadisə baş verib. "Qafqazinfo" yerli mediaya istinadən xəbər verir ki, rayonun Təzəkənd kənd sakini 26 yaşlı Emil Məmmədovun meyiti yaşadığı evdə tapılıb. Onun ölüm səbəbinin müəyyənləşdirilməsi məqsədilə Gürcüstanı

16 noyabr
.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Şəmkirdə meyiti tapılanlarla bağlı - Yeni detallar

Ötən gün Şəmkirdə evdə iki nəfərin meyitinin tapılması ilə bağlı bəzi təfərrüatlar üzə çıxıb. "Qafqazinfo" xəbər verir ki, ilkin araşdırmalar zamanı rayonun Varlı Həyat kəndində 1968-ci il təvəllüdlü Rəfi Mustafayevin özünə məxsus evdə qeyri-rəsmi münasibətdə yaşadığı qadını qətlə yetirməsin

17 noyabr
.

Məktəblərdə payız tətili başladı

Bu gündən 2026-2027-ci tədris ili üzrə ümumi təhsil müəssisələrində beşgünlük payız tətili başlayıb. xəbər verir ki, payız tətili 16-20 noyabr tarixlərini əhatə edir. Belə ki, şənbə-bazar günləri nəzərə alınmaqla payız tətilindən sonra ilk dərs günü 6 günlük iş həftəsi ilə işləyən ümumi təhsil müəssisələrind

16 noyabr
.

Bakıda müşavirələr keçirildi - Qarlı havalara hazırlıq tədbirləri müzakirə olundu

Bakı şəhərinin bütün rayonlarında təsdiq edilmiş tədbirlər planlarına uyğun qış mövsümündə qarlı havalara hazırlıq tədbirləri davam edir. xəbər verir ki, ilk növbədə şəhər və rayon kommunal xidmətlərinin xüsusi təyinatlı texnikaları hazır vəziyyətə gətirilib, bir sıra yaşayış və qeyri yaşayış binalarınd

17 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Xəzər dənizinin sahilboyu ərazilərinin dövlət idarəetməsi təkmilləşdirilir

Xəzər dənizinin sahilboyu ərazilərində davamlı inkişafın və ekoloji sabitliyin təmin edilməsi ilə bağlı idarəetmə və nəzarət sahələrində iştirak edən dövlət orqanlarının koordinasiyalı fəaliyyətinin təşkili, bu sahədə səmərəliliyin və çevikliyin artırılması, rəqəmsal idarəetmə modellərinin tətbiq edilməsi

17 noyabr