Düzgün saxlanılmadıqda zəhərlənməyə səbəb ola bilər - XƏBƏRDARLIQ
Kəsilmiş qarpızın düzgün saxlanılmaması, xüsusilə isti havalarda bakteriyaların çoxalması və qida zəhərlənməsi riskini artıra bilər. Qarpız kəsildikdən sonra 4°C və ya daha aşağı temperaturda soyuducuda saxlanılması tövsiyə olunur.
Bəs, kəsilmiş qarpızın xarab olduğunu hansı əlamətlərdən müəyyən etmək olar, hansı hallarda onun istehlakı təhlükəli hesab edilir?
Məsələ ilə bağlı Sonxeber.az-a açıqlama verən qida eksperti Fərid Səfərov bildirib ki, kəsilmiş qarpız düzgün saxlanılmadıqda, xüsusilə isti havalarda bakteriyaların sürətlə çoxalması üçün əlverişli mühit yarana bilər.
"Qarpızın qabığı kəsilərkən üzərində olan mikroorqanizmlər bıçaq vasitəsilə iç hissəyə keçə bilər. Kəsildikdən sonra qarpızın uzun müddət otaq temperaturunda, xüsusən isti şəraitdə saxlanılması qida zəhərlənməsi riskini artırır. Kəsilmiş qarpız 5°C-dən aşağı, ideal olaraq 4°C və ya daha aşağı temperaturda soyuducuda saxlanılmalıdır. Otaq temperaturunda 2 saatdan artıq, hava temperaturu 32°C-dən yuxarı olduqda isə 1 saatdan artıq qalmış kəsilmiş qarpızın istehlak edilməsi məsləhət görülmür. Soyuducuda saxlanılan kəsilmiş qarpızı isə keyfiyyət və təhlükəsizlik baxımından 3-4 gün ərzində istehlak etmək daha məqsədəuyğundur. Qarpızın qapalı qabda və ya qida üçün nəzərdə tutulmuş streçlə örtülərək saxlanılması həm çarpaz çirklənmənin, həm də mikroorqanizmlərlə təmasının qarşısını almağa kömək edir".
Ekspert bildirib ki, qarpızın xarab olduğunu müəyyən etmək üçün bir neçə əlamətə diqqət yetirmək lazımdır:
"Turşumuş və ya xoşagəlməz qoxu, selikli və yapışqan səth, həddindən artıq yumşalma, rəngin dəyişməsi, kif ləkələri, köpüklənmə və qeyri-adi dad xarab olmanın göstəriciləri ola bilər. Lakin qida təhlükəsizliyi baxımından yalnız qoxu, görünüş və dada əsaslanmaq düzgün deyil. Zərərli bakteriyalar qarpızın görünüşünü və qoxusunu əhəmiyyətli dərəcədə dəyişmədən də çoxala bilər. Buna görə də kəsilmiş qarpızın uzun müddət isti şəraitdə qalmasına şübhə varsa, onu dadına baxaraq yoxlamaq əvəzinə atmaq daha təhlükəsizdir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri