İdman zalında qadına şiddət göstərən şəxs sərbəst buraxıldı - VİDEO

Mersin’in Yenişehir ilçəsində idman zalında baş verən şiddət hadisəsi təhlükəsizlik kameralarına əks olunub. Mübahisə etdiyi qadının boğazını sıxan şəxs, zaldakı başqa bir qadının müdaxiləsi nəticəsində uzaqlaşdırılıb. Hadisədən sonra saxlanılan şübhəli məhkəmə tərəfindən məhkəmə nəzarəti şərti ilə sərbəst buraxılıb.

Sonxeber.az xarici mediaya istinadla xəbər verir ki, günorta saatlarında Çiftlikköy məhəlləsi, Ali Kaya Mutlu prospektində yerləşən idman zalında baş verib.

Məlumata görə, zala gələn Aylin D. ilə Kürşat T. arasında hələlik müəyyən edilməyən səbəbdən mübahisə yaranıb. Mübahisənin böyüməsindən sonra Kürşat T. qadının boğazını sıxaraq ona hücum edib.

Həmin vaxt zalda məşq edən başqa bir qadın müdaxilə edərək şübhəlini Aylin D.-dən uzaqlaşdırıb. Hadisə zamanı yaşanan qarşıdurma və qadının boğazının sıxıldığı anlar idman zalının təhlükəsizlik kameraları tərəfindən saniyə-saniyə qeydə alınıb.

Hadisədən sonra Aylin D.-nin şikayəti əsasında polis əməkdaşları hərəkətə keçib və Kürşat T. saxlanılıb. Polis idarəsindəki prosedurlardan sonra məhkəməyə göndərilən şübhəli növbətçi məhkəmənin qərarı ilə məhkəmə nəzarəti şərti ilə sərbəst buraxılıb.

Telegramda izləyin