"Zaman yaraları sağaltmır, sadəcə boşluqla yaşamağı öyrədir"

Əməkdar artist Bəhram Bağırzadə mərhum atası Arif bəylə bağlı paylaşım edib.

Axşam.az xəbər verir ki, o, ölüm ildönümündə atasını bu sözlərlə yad edib:

"17 sentyabr. Bu tarixdə atamı itirdim. Sentyabr ümumiyyətlə qəribə aydır. Hələ hava istidir, hələ dəniz və yetişmiş əncir qoxusu duyulur, hələ yaşamaq və sevinmək istəyirsən, amma haradasa içində artıq səssiz bir payız məskən salıb.

Bu tarix də belədir: hər il gəlib çatır və hər dəfə özündə hər şeyi birləşdirir, itkinin ağrısını və onun həyatımızda olduğu üçün duyduğumuz minnətdarlığı.

Atam getdi, amma qalır. Bəzən öz səsində eşitdiyin o səsdə, özündə qəfil fərq etdiyin vərdişlərdə, onun gənc və gülümsəyən olduğu köhnə fotolarda, sözlərlə deyil, sadəcə yanında olmaqla bizə öyrətdiyi sadə şeylərdə. Həmişə.

Deyirlər, zaman sağaldır. Xeyr. Zaman sadəcə bu boşluqla yaşamağı öyrədir. Və tədricən həmin boşluq yalnız ağrı olmaqdan çıxır. Orada bir işıq yaranır. Atamın özündən sonra sözlərində, əməllərində, bizə olan sevgisində qoyub getdiyi o işıq. Və xatırladığımız müddətcə o, oradadır. Yaxınlıqda olmasa da, daxilimizdə".

Telegramda izləyin