Von der Lyayen: Rusiya enerji atəşkəsinə əməl etməyib, yeni sanksiyalar hazırlanır

Avropa Komissiyasının sədri Ursula von der Lyayen Rusiyanın enerji obyektlərinə hücumların dayandırılmasını nəzərdə tutan atəşkəs təşəbbüsünə əməl etmədiyini və Avropa İttifaqının Moskvaya qarşı yeni sanksiyalar paketi hazırladığını bildirib.
Bizimyol.info xəbər verir ki, o, bu barədə Ukrayna Prezidenti Vladimir Zelenski və Avropa Şurasının Prezidenti Antonio Koşta ilə birgə jurnalistlərə açıqlamasında danışıb.

Von der Lyayen ABŞ Prezidenti Donald Trampın enerji atəşkəsi təşəbbüsünü dəstəklədiklərini, lakin Rusiyanın əksinə, hücumlarını gücləndirdiyini bildirib.

"Biz Rusiyaya təzyiqi artırmalıyıq. Yeni sanksiyalar paketi üzərində işləyirik. Rusiya müharibəni dayandırmayana qədər heç bir sanksiyanı ləğv etməyəcəyik", - deyə Avropa Komissiyasının sədri vurğulayıb.

Zelenski isə Ukraynanın müharibəni mümkün qədər tez başa çatdırmaq istədiyini, lakin Rusiyanın dialoqa hazır olduğuna dair əlamətlər göstərmədiyini bildirib.

Ukrayna Prezidenti qışa hazırlığın vacibliyini bildirərək, Avropa İttifaqının dəstəyinin enerji təminatı, hava hücumundan müdafiə və maliyyələşdirməni əhatə etdiyini deyib.

Oktyabrın 12-də Avropa İttifaqı Rusiyaya qarşı 22-ci sanksiyalar paketini tətbiq edib. Məlumata görə, yeni məhdudiyyətlər Rusiyanın hərbi-sənaye kompleksi ilə əlaqəli təxminən 1 600 nümayəndəni əhatə edib.

Zelenski daha əvvəl Avropa sanksiyalarının Rusiyaya ciddi təsir göstərdiyini, lakin müharibəni dayandırmağa kifayət etmədiyini bildirib və ABŞ-ın Moskvaya təzyiqinin artırılmasının vacibliyini vurğulayıb.

Telegramda izləyin