Protein niyə lazımdır?

Mütəxəssis bildirir ki, günorta saatlarında yaranan halsızlıq və enerji azalmasının əsas səbəblərindən biri düzgün qidalanmamaqdır.

Axşam.az xəbər verir ki, zülal və ya lif baxımından kasad olan nahar yeməkləri günün ikinci yarısında yorğunluq, diqqət dağınıqlığı və beyin dağınıqlılığı daha da artırır.

Mütəxəssis vurğulayıb ki, bu vəziyyətdən çıxmaq üçün qəhvə və ya şirin qidalarla enerji toplamağa çalışmaq düzgün seçim deyil. Orqanizmin ehtiyac duyduğu enerjini təmin etmək üçün ət, yumurta və balıq kimi zülalla zəngin qidalar qəbul edilməlidir.

Həkim həmçinin yeməkdən sonra 10-20 dəqiqə sürətli gəzintinin qan şəkərinin tənzimlənməsinə kömək etdiyini və günorta saatlarında yaranan yuxululuq hissini azaltdığını bildirib.

Bir stəkan su içmək və az miqdarda çərəz yemək də enerji səviyyəsinin yüksəlməsinə kömək edir. Bunun səbəbi isə sağlam yağların orqanizm üçün uzunmüddətli enerji mənbəyi olmasıdır.

Mütəxəssislərin sözlərinə görə, günorta saat 15:00 radələrində hiss olunan enerji azalması qismən insanın bioloji saatı - sirkadiyal ritmlə əlaqədardır. Lakin qan şəkərinin sürətlə aşağı düşməsi bu vəziyyəti daha da ağırlaşdıra bilər.

Qlükoza səviyyəsi qəfil azaldıqda orqanizm enerjini tez bərpa etmək üçün siqnallar göndərir. Bu isə adətən şirniyyat və yüksək karbohidratlı qidalara meyli artırır. Qlükoza beynin əsas enerji mənbəyi olduğundan onun azalması diqqətin cəmlənməsini də çətinləşdirir.

Telegramda izləyin