Üçrəngli bayrağımız - müstəqilliyimizin və milli qürurumuzun simvolu - KÖŞƏ YAZISI

Bayraq sadəcə bir dövlətin rəmzi deyil. O, bir xalqın tarixini, milli kimliyini, azadlıq arzusunu və gələcəyə olan inamını özündə birləşdirir. Azərbaycan bayrağı da xalqımızın keçdiyi çətin və şərəfli yolun, müstəqillik uğrunda mübarizəsinin ən böyük simvollarından biridir.

Hər il noyabrın 9-da qeyd etdiyimiz Dövlət Bayrağı Günü bizə üçrəngli bayrağımızın hansı tarixi mübarizənin nəticəsi olduğunu xatırladır. 1918-ci ildə Azərbaycan Xalq Cümhuriyyəti tərəfindən qəbul edilən bayrağımız illər sonra yenidən müstəqil dövlətimizin əsas rəmzinə çevrildi.

Bu gün üçrəngli bayrağımızın mənası daha böyükdür. Çünki o, artıq yalnız müstəqilliyimizin deyil, həm də ərazi bütövlüyümüzün və tarixi Zəfərimizin rəmzidir. Şuşada, Xankəndidə, Laçında və digər azad edilmiş torpaqlarımızda dalğalanan bayrağımız şəhidlərimizin qanı, qazilərimizin fədakarlığı və xalqımızın iradəsi hesabına ucalıb.

Bayrağa hörmət yalnız onu yüksəklikdə dalğalandırmaqla bitmir. Ona hörmət dövlətə sahib çıxmaq, milli dəyərləri qorumaq, ölkənin inkişafına töhfə vermək və vətəndaş məsuliyyətini dərk etməkdir.

Unutmayaq ki, bayrağın ucalığı xalqın birliyindən, dövlətin gücündən və vətəndaşların vətənə bağlılığından başlayır.

Üçrəngli bayrağımız bizim dünənimiz, bu günümüz və sabahımızdır. O, Azərbaycan var olduqca dalğalanacaq!

Müəllif: İlkin Məmmedkerimov

Telegramda izləyin